Subscribe Now !

×

Subscribe to receive updates each week, plus get exclusive content, only available to those on my mailing list.

കൈവിരലുകൾ

Posted on Categories ColumnLeave a comment on കൈവിരലുകൾ

4pm_-28-march
ഭാര്യയെ അടുക്കളവിഷയത്തിൽ സഹായിക്കണമെന്ന് എന്ന് ആശിച്ച്, രണ്ടും കല്പിച്ച് ദോശയുണ്ടാക്കാൻ ഒപ്പം കൂടുന്ന എല്ല ഭർത്താക്കന്മാരും , ചിന്തിച്ചുകാണണം, ദോശ എന്തിനാണ് വട്ടത്തിൽ തന്നെയുണ്ടാക്കുന്നത് എന്ന്?? ഉള്ളിൽ എല്ലാവർക്കും ഒരു creative clash ഉണ്ടാക്കിക്കാണില്ലെ?. അങ്ങനെ ജീവിതത്തിൽ ആദ്യമായി ചുട്ട ദോശ ഒരാളുടെ, വെറും ഒരു കൈപ്പത്തി മാതൃകയിൽ എത്തി. ഇക്കാലത്ത് ഇഷ്ടത്തിന്‌ ആർക്കും ദോശ മുറിച്ച്‌ ആകൃതിയുണ്ടാക്കാം,വരിമുറിച്ച്‌ കവിതയുണ്ടാക്കുന്ന എഴുത്തുകാരനെപ്പോലെ, മനസ്സുകൊണ്ട് ചിത്രങ്ങൾ വരക്കുന്ന ചിത്രകാരനെപ്പോലെ !മനസ്സുകൊണ്ട് സ്നേഹിക്കുന്നവർക്കുവേണ്ടി ദോശകൊണ്ടാകുമ്പോൾ, ആ ദോശ കൈയ്യിലെ വരകൾ നോക്കു? നമ്മുടെ ജീവിതത്തിന്റെ രേഖകൾ കൈനോട്ടക്കാരൻ വരകളുടെ ഏറ്റക്കുറച്ചിൽ നോക്കി മനസ്സിലാക്കുന്നതുപോലെ ,എത്ര അർത്ഥവത്തായിരിക്കുന്നു ദോശ!
ഇന്നുവരെ ആരും അലോചിച്ചു തലപുകക്കാത്ത ഒരു ചോദ്യം, ദോശ വട്ടത്തിത്തിൽ മാത്രമാകുന്നത് എന്തുകൊണ്ട്! ആരോ എവിടെയോ പറഞ്ഞുകേട്ടപോലെ, സ്ത്രീകൾക്ക് ജീവിതത്തിൽ സ്വാതന്ത്ര്യം ഇല്ല എന്ന് .പ്രത്യേകിച്ചും വീട് മാത്രം സ്വന്തം ലോകമായി തിരുമാനിച്ച് , അതിനുള്ളിൽ മാത്രം ജീവിക്കുന്നവർക്ക്. ഇത് ഇന്നും ഇന്നലെയും തുടങ്ങിയ അവസ്തയോ തീരുമാനമോ അല്ല, മറിച്ച് കാലാകാലങ്ങളായി, പെൺകുട്ടികളിലേക്കു പകർന്നു നൽകിയ ചേതോവികാരം മാത്രം. നിന്റെ ജീവിതം വീടിനുള്ളിൽ മാത്രം, ഈ ഇട്ടാവട്ടത്തിൽ മാത്രം! വീണ്ടും അവിടെയും കൈചൂണ്ടിക്കാണിക്കുന്നു, ഈ വട്ടത്തിൽ മാത്രം!വീട്ടിനുള്ളിലെ പാത്രങ്ങളും, കുടങ്ങളും എല്ലാംതന്നെ ആകൃതിയിലും ചിന്താഗതിയിലും ഏതെങ്കിലും ഒരു വൃത്തത്തിൽ ചെന്നവസാനിക്കുന്നു. കാലാകാലങ്ങളായി ദോശയും ഇഡ്ഡലിയും വട്ടത്തിൽ മാത്രം, എന്നതും എഴുതിവെച്ച നിയമങ്ങൾ !പിന്നെ അടുക്കളയിലെ പാവം അമ്മമാർ ദോശയും ഇഡ്ഡലിയുമൊക്കെ വട്ടത്തിൽ ഉണ്ടാക്കിയതിന്റെ ഗുട്ടൻസ് ഇതുമാത്രം
എന്നാൽ പഠിച്ചു പഠിപ്പിച്ചു വന്ന ‘വട്ടം‘ എന്ന ജീവിതത്തിന്റെ പുറത്തേക്കിറങ്ങിയവർക്കും ,കാൽ വെക്കാൻ ധൈര്യപ്പെട്ടവർക്കെല്ലാം സമൂഹവും കുടുബവും ഒറ്റക്കെട്ടായി നിന്നു വ്യഖ്യാനങ്ങളുടെയും നിരൂപങ്ങളുടെയും അപഖ്യാതികളുടെയും മലവെള്ളപ്പാച്ചിൽ തുറന്നുവിട്ടു. എന്നാൽ വർഷങ്ങളും സംവത്സരങ്ങളും നീങ്ങി നീങ്ങിപ്പോയെങ്കിലും ആരും തന്നെ പ്രതീക്ഷയും ആഗ്രഹവും കൈവിട്ടിരുന്നില്ല എന്നത് തീർച്ച. ഒരു തീരുമാനം മാത്രമായിരുന്നില്ല, മനസ്സിന്റെ വെംബൽ കൂടിയായിരുന്നില്ലെ അത്, തീർച്ച?

ഈ ഇട്ടാവട്ടത്തിൽ എന്തിനു ഞാൻ? ആരു ചിന്തിച്ചു, എന്തിനു ചിന്തിച്ചു എന്നതിനൊന്നും, ഇന്നും വ്യക്തമായ ഉത്തരം ഇല്ല. എന്നാൽ ഒരു വീട്ടിൽ സ്ത്രീ എന്ന വട്ടത്തിൽ നിന്നു മാത്രം തുടങ്ങുന്ന എല്ലാവരുടെയും ജീവിതം, അതേ സ്ത്രീയുടെ വിവിധരൂപങ്ങളിൽ മാത്രം പര്യവസാനിക്കുന്നു. അമ്മയായി, സഹോദരിയായി ,മകളായി, എറ്റവും ഒടുവിൽ ഭാര്യയായി. എന്തിനും ഏതിനും സഹായിയായി വിവിധരൂപങ്ങളിൽ ഭാര്യ ഭർത്താവിനു കൂട്ടാളിയായി മാറുന്നു. ഇതേ വ്യക്തി, അമ്മയായും സഹോദരിയായും ചിലരുടെ ജീവിതത്തിൽ സ്വാധീനം ചെലുത്തുന്നു. എന്നാൽ നീയാണു ഭാര്യേ എന്റെ ശക്തിയും പ്രചോദനവും പ്രേരണയും എന്നൊന്നും ദിവസവും ചൊല്ലി അഭിനന്ദിക്കുന്നൊന്നും ഇല്ല ആരും തന്നെ!! “എല്ലാം സുമേ, എന്റെ മനസ്സിലുണ്ട്, “അതു പിന്നെ ചിന്നമ്മേ’ അറിയാൻ മേലായോ?” സുബ്ബലക്ഷ്മീ , നീ താനെ എൻ കാതൽ “, സിനിമയിലും, പുസ്തകങ്ങളിലും, മറ്റും അറിയാവുന്ന സകല ഡയലോഗുകളും വാക്ചാതുര്യങ്ങളായി മുന്നിലേക്കിട്ടുകൊടുക്കും! അതു നാലുപേർ കേൾക്കാനും കൂടെയുണ്ടെങ്കിൽ, കവിതകളായും സംഗീതമാധുര്യമായും ഭാര്യയുടെ വർണ്ണനകളിലേക്കെത്തുന്നു. ഇട്ടാവട്ടത്തിൽ മാത്രം ജീവിച്ചു പരിചയമുള്ള ഇവർ,വട്ടത്തിലും നീളത്തിലും ഭർത്താവിനടിയറപറഞ്ഞു വീഴുന്നു.
എന്നാൽ താൻ കുഴിച്ചകുഴിയിൽ താൻ തന്നെ വീഴുന്നു എന്ന നഗ്നസത്യം പാവം സ്ത്രീ മനസ്സിലാക്കുന്നില്ല!! സ്നേഹത്തിന്റെ പേരിൽ, ആത്മാർത്ഥതയുടെ പേരിൽ ഉപയോഗിക്കപ്പെടുകയാണെന്ന്, ചിലർക്കെങ്കിലും അറിയാം! അറിഞ്ഞുകൊണ്ട് സ്നേഹിക്കുന്നു, എവിടെയെങ്കിലും വെച്ച് വഴിമാറിപ്പോകും, ഉപേക്ഷിച്ചു പോകും എന്നറിയാമായിരുന്നിട്ടു പോലും അകമഴിഞ്ഞു സ്നേഹിക്കുന്നു. തിരിച്ചു കൊടുക്കാൻ നമ്മൾ ആരുശ്രമിച്ചാലും ഒരേതൂക്കത്തിൽ, അല്ലെങ്കിൽ അതിനും കൂടുതുലായി ഈ ലോകത്ത് ആർക്കും, ദൈവങ്ങൾക്കുപോലും, അമ്മയുടെ സ്നേഹത്തിനൊപ്പം നിൽക്കാൻ പോലും സാധിച്ചിട്ടില്ല, ഇന്നേവരെ.
കൈരേഖകൾ ഏറ്റവും കൂടുതൽ ജീവിതത്തിന്റെ വരെകളുമായി കൂട്ടിക്കൊഴച്ചുമറിക്കുന്നവർ ,കൈനോട്ടക്കാരന്മാരാണ്. അവരെ അന്വേഷിച്ചു ചെല്ലുന്നവർ, എത്രമാത്രം പ്രതീക്ഷകളോടെയാണ് എത്തുന്നത്! എന്നാൽ ഒരായിരം നൈമിഷികസന്തോഷങ്ങളും, നാളത്തെ നന്മകൾക്കുവേണ്ടി മാത്രം എത്തുന്നവർ വീണ്ടും ഏതോ പറഞ്ഞറിയിക്കാനാവത്തെ സങ്കടങ്ങളിലേക്കു ചെന്നെത്തുന്നു. എന്നാൽ അവിടെയും നന്മയുടെ കാവൽക്കാരായ നല്ല കൈനോട്ടക്കാരും ഇല്ലാതില്ല, സത്യം. ഇവിടെയെല്ലാം നാം അന്വേഷിക്കുന്നത് സന്തോഷങ്ങൾ മാത്രം. യാതൊരുതരത്തിലുള്ള അപസ്വരങ്ങളെയും , സങ്കടങ്ങളെയും നമ്മൾ പ്രതീക്ഷിക്കുന്നില്ല , വിളിച്ചു വരുത്തുന്നിമില്ല ജീവിതത്തിലേക്ക്!! എന്നാൽ വരുന്ന അപസ്വരങ്ങളെ നമ്മൾ ധൈര്യത്തോടെ നേരിടാനും അതേ കയ്യിൽ ദൈവം നമ്മുക്ക് വരകൾ തന്നിട്ടുണ്ട്. അതുമാത്രം നമ്മളാരും ഓർക്കാറില്ല, ദൈവം നമ്മുക്ക് തന്നിരിക്കുന്ന മനസ്സെന്ന power bank നെ! ഈ കൈരേഖകളെല്ലാം നമ്മുടെ കണ്ണും, മൂക്കും , നാക്കും, ചെവിയും ,സ്പർശം പോലെ നമ്മുക്കുള്ള ചൂണ്ടുവിരലുകൾ മാത്രം. അതെല്ലാം സംയമനത്തോടെ ഉപയോഗിക്കാനും ,നമ്മുക്ക് കൂടെ ബുദ്ധിയും വിവേകവും തന്നിട്ടുണ്ട്. അങ്ങനെ ഒരു കൈമാവ്‌ ചുട്ട് ദോശയാക്കുന്ന അമ്മയുടെ ഈ കൈകൾക്കു പ്രണാമം !

മല്ലിക സുകുമാരന്റെ “ സപൈസ് ബോട്ട് റെസ്റ്റോറന്റ്”

Posted on Categories ColumnLeave a comment on മല്ലിക സുകുമാരന്റെ “ സപൈസ് ബോട്ട് റെസ്റ്റോറന്റ്”

4-pm-spice-boat-nov-7
മലയാള സിനിമയിലെ പ്രശഥയായ നടി, റ്റി വി, സീരിയൽ ലോകത്തെ നല്ല ഭാവനടി, ഇതിനൊക്കെ പുറമേ മല്ലികാ സുകുമാരൻ ഇന്ന് ഒരു restrorant industry യുടെ സി ഈ ഒ സ്ഥനത്ത് എത്തിക്കഴിഞ്ഞു. ഖത്തറിൽ ഒരു മൾട്ടികുസിൻ റെസ്റ്റോറന്റ, ജാനുവരി 11 2013 ൽ തുടങ്ങി, “Spice Boat. ഖത്തറിൽ റെസിഡന്റെ കൂടിയായി മല്ലിക സുകുമാരൻ വർഷങ്ങളായി ഈ രാജ്യവുമായി ഒരു ആത്മബന്ധം പുലർത്തിയിരുന്നു ഖത്തറിലെ പ്രവാസി വിഭാഗത്തിന്റെ ഒരു നല്ല പേറ്റന്റും കൂടിയാണ് മല്ലിക.കേരളം പോലെതന്നെ ,സ്വയം ഖത്തറിനോട് അങ്ങേയറ്റം ആത്മാർത്ഥതയും മാനസിക അടുപ്പവും പുലർത്തുന്ന മല്ലിക ഈ റെസ്റ്റോറന്റ് സംരംഭം വഴി ഭക്ഷണത്തിന്റെ പാരബര്യവും, ലോകമെംബാടുമുള്ള പലതരം സ്വാദിഷ്ടവിഭാവങ്ങൾ ഈ രാജ്യത്തിനായി പരിചയപ്പെടുത്തുന്നു.
“സാധാരണക്കാരെകൂടി മനസ്സിൽ വെച്ച്, ഇൻഡ്യൻ, അറബിക്ക് എന്നിവക്കു പുറമെ, മെക്സിക്കൻ, ചൈനീസ് , മെഡിറ്ററേനിയൻ വിഭവങ്ങളും ഇവിടെ പാചകം ചെയ്യുന്നു എന്ന് മല്ലിക സുകുകാരൻ കൂട്ടിച്ചേർത്തു.വളരെ സ്വഭാവമൂല്യമുള്ള ഒരു സ്ഥലം കണ്ടുപിടിക്കാൻ വേണ്ടി വളരെ ബുദ്ധിമുട്ടേണ്ടി വന്നു എങ്കിലും സമുദ്രതീരവും,പ്രകൃതിരമണീയതയും കൂടിക്കലർന്നതാണ് ഈ സഥലത്തിന്റെ ഗുണം. വളരെ നാളത്തെ ഒരു സ്വപ്നം യാഥാർത്ഥ്യമായതാണ് ഈ റെസ്റ്റോറന്റ് എന്ന് രണ്ടു സഹോദരന്മാരും ഒരുമിച്ച് സ്ഥിരീകരിച്ചു.
റെസ്റ്റോറന്റ് എന്നൊരാശയം തിരെഞ്ഞെടുക്കാൻ “പ്രത്യേകിച്ചൊരു കാരണം എന്നു എടുത്തു പറയുന്നതിനേക്കാൾ, അടിസ്ഥാനപരമായി നമ്മളെല്ലാവരും തന്നെ ഭക്ഷണപ്രിയരാണ്“ . അങ്ങനെ സുഹൃത്തുക്കളും,മറ്റൂമായിട്ടുള്ള ചർച്ചകൾക്കിടയിൽ നമ്മുടെ ദഫ്ന,വെസ്റ്റ് ബേ സ്ഥലത്ത് ഒരു ‘ഒതെന്റിക് ബ്രാന്റഡ് റെസ്റ്റോറന്റ് ‘ എന്ന ആശയം, എന്തുകൊണ്ട് തുടങ്ങിക്കൂടെ എന്നു തീരുമാനിച്ചു. ദഫ്ന ഏറിയ എന്നത് വളരെ ചെലവുകൂടുതലുള്ള സിറ്റി സെന്റർ മാൾ ‘ എന്നത് എല്ലാവർക്കും ഉണായിരുന്ന ഒരു മിഥ്യാബോധം മാത്രമാണ്. അവിടെ എന്തുകൊണ്ട് സാധാരണക്കരന്റെ കഴിവിൽ ഒതുങ്ങുന്ന എന്നാൽ‘അലങ്കാരശൈലിയിൽ‘ ഒട്ടും കുറയാതെ നമ്മുക്ക് “ ആർക്കും നടന്നു കയറാവുന്ന റെസ്റ്റോറന്റ്“ തുടങ്ങിക്കൂട എന്ന ആശയം ഉണ്ടായി!.അതന്റെ മുന്നോട്ടുള്ള ചർച്ചകളും ഐഡിയയും ആയി ഞാൻ എന്റെ മക്കൾ ഇന്ദ്രജിത്തും, പ്രിധ്വിയും ആയുള്ള ഒരു ചർച്ചയുടെ അവസാനം വെസ്റ്റ് ബേയിൽ ഒരു റെന്റോറന്റ് പ്രോജക്റ്റ് ഞങ്ങളുടെ റ്റീമിനോട് അറിയിക്കുകയും, അതിനായി ഏതാണ്ട് ചേർന്ന ഒരു സ്ഥലം ഈ ദഫ്ന ഏറിയയിൽ ഞങ്ങളെ ചൂണ്ടിക്കാണിക്കയും ചെയ്തു .ഞങ്ങളുടെ സ്പോൺസർ/ വർക്കിംഗ് പർട്ടണർ അർബൻ പ്ലാനിംഗ് മിനിസ്റ്റർ കൂടിയായ ഷെയ്ക്ക് അഹമ്മദ് അലി ഫാ‍ലെ നാസ്സർ അൽത്താനി,അൽമാഹാ റ്റവർ, റെസ്റ്റോറന്റിനായി ഒരു നല്ല അടുക്കളയും മറ്റും എല്ലാം റെഡിയായിട്ടുള്ള ഈ റ്റവർ ചൂണ്ടിക്കാണിക്കയുണ്ടായി.272 അപ്പാർട്ട്മെന്റ് ഉള്ള ഈ രണ്ടു റെസിഡെന്റ് റ്റവറിൽ വളരെ നല്ല സ്ഥലസൌകര്യങ്ങൾ ഉണ്ട്.കൂടെ സിമ്മിംഗ് പൂളിന്റെ ഓപ്പൺ സ്ഥലവും,പാർട്ടി ഹാളും എല്ലാം കൂടിച്ചേർന്ന് ഏതാണ്ട് ഈ റ്റവറിന്റെ ലോബിമുതൽ താഴത്തെ ഒരു നില മൊത്തം അവർക്ക് യഥേഷ്ടം ഉപയോഗിക്കാവുന്ന സൌകര്യത്തിൽ കിട്ടി എന്ന് മല്ലിക സുകുമാരൻ പറഞ്ഞു.
ഡയദ് കോ കംബനിയുടെ ജെനറൻ മാനേജർ ആണ് ‘സ്പൈസ് ബോട്ട് ‘ എന്ന ഈ പേര് ആദ്യം പറഞ്ഞത്. പണ്ടുകാലത്ത് ഏറ്റവും അധികം മസാലവ്യഞ്ചനങ്ങളും,വാസനദ്യവ്യങ്ങളും,വ്യാപാരം ചെയ്തിരുന്നന്നവരാണ് അറബികൾ.സ്പൈസ് ബോട്ട്’ എന്നത് എന്തുകൊണ്ടും ഖത്തറിൽ തുടങ്ങന്ന ഒരു റെസ്റ്റോറന്റിനു ഏറ്റവും അനുയോജ്യമാണെന്ന് തിരുമാനിച്ചു. ഈ കെട്ടിടം സ്തിതിചെയ്യുന്ന ദഫ്ന ഏറിയയുടെ സ്വഭാവത്തോടു തികച്ചു ചേർന്നു പോകുന്ന പേരാണ് ‘സ്പൈസ് ബോട്ട് ‘എന്ന ഒരു തോന്നൽ ഇല്ലാതില്ല.
പിന്നെ അടുത്ത കടംബ എഗവണ്മെന്റ് മേഘലകളുടെ എഴുത്തുകുത്തുകളായിരുന്നു. എന്നാൽ പ്രതീക്ഷക്ക് വിപരീതമായി,വളരെ സൌഹൃദമപരമായ സമീപനമായിരുന്നു .ആരുംതന്നെ എന്നെ തിരിച്ചറിയുകയില്ല എന്നത് വളരെ വ്യക്തമായിരുന്നു,എന്നാൽ ചുരുക്കം ചില മലയാളികൾ ഞാൻ എന്ന ‘ മല്ലികാ സുകുമാരനെ ’ കേരളത്തിലെ ഒരു വലിയ സ്റ്റാർ ആയിത്തന്നെ അവിടെയുള്ള ഉദ്ധ്യോഗസ്ഥന്മാരെ പരിചയപ്പെടുത്തി എന്നത് വലിയ ഒരഭിമാനംതന്നെയായിത്തോന്നി.സ്വയം ഒരു മൾട്ടിസ്റ്റാറും,കൂടെ ഇന്ദ്രജിത്ത് പ്രിഥ്വീരാജ് എന്നി ഫിലിംസ്റ്റാർസിന്റെ അമ്മ എന്നൊരു വിവരണവും കൂടിയായി.“മാഷാ‍ അള്ളാ, ദിസ് ഈ ഇൻഡ്യാസ് ബിഗ് ഫിലിംസ്റ്റാർ’. അതിനു ശേഷം ഞാൻ സ്വയം എഴുത്തുകുത്തുകൾക്കും പേപ്പറുകൾക്കായി എത്തി എന്നതിന്നാൽ, ഓരോരുത്തരായി,എല്ലാ പേപ്പറുകളും എങ്ങനെ ചെയ്യണം എന്നു വിവരിച്ചു തരികയും,2 ദിവസത്തിനകം എല്ലാം ശരിയാകുകയും ചെയ്തു.
ദുബായ് അല്ലാതെ ഖത്തർ തിരഞ്ഞെടുക്കാൻ കാരണമായി, ശ്രീമതി സുകുമരി പറഞ്ഞത് സ്ത്രീകളോടുള്ള ഒരു ബഹുമാനം, ഒരു ‘പ്രയോറിറ്റി’അവരെ ഏതു വലിയ കൂട്ടത്തിനടയിൽ നിന്നും,തിരഞ്ഞു മാറ്റി സഹായിക്കാനുള്ള ഒരു മനോഭാവം ഈ തീരുമാനത്തിനുള്ള ഒരു വലിയ ഘടകം ആണ്. ജാനുവരി 11 നു ഒരു ചെറിയ ഉൽഘാടനം എന്നു പറഞ്ഞു തുടങ്ങിയത്,വലിയ ഒരു ഇന്റ്രെർനാഷണൽ സംരംഭത്തിൽ കലാശിച്ചു. കൂടെ രണ്ടു സ്പോൺസർമാരുടെ സുഹൃത്തുക്കളും, ഞങ്ങളുടെ വേണ്ടപ്പെട്ടവരും കൂടെ 7 രാജ്യത്തെ അംബാസിഡർമാരും അവുരുടെ കുടുംബവും അടങ്ങുന്ന ഒരു വലിയ വേദിയായി മാറി റെസ്റ്റോറന്റിന്റെ ഉൽഘാടനം.
ഇവിടുത്തെ സ്റ്റാഫ് ,അന്തരീക്ഷം എന്നിവയെക്കുറിച്ച് അവർ വലരെ വാചാലയായി! ഞങ്ങളുടെ ആഹാരത്തിന്റെ രുചിയെക്കുറിച്ചും ആദ്യത്തെ ദിവസം മുതൽക്കു തന്നെ ധാരാളം പ്രചോദനപരമായ അഭിപ്രായങ്ങൾ ഉണ്ടായിരുന്നു.ഇവിടുത്തെ കബാബുകളെക്കുറിച്ച് പറയാത്തവർ ആരും തന്നെ ഇല്ല എന്നു പറയാം.ഞങ്ങളുടെ ആരുടെയും മിടുക്കല്ല ,പക്ഷെ എന്റെ കുക്കുകൾ ആയ എന്റെ പിള്ളാർ’ അവരുടെ മാത്രം കഴിവാണ് എന്ന് തീർത്തും പറയാം.ഇവിടെ വരുന്ന ഓരൊ കസ്റ്റമേഴ്സ്സും വന്നു പോകുംബോൾ,മിക്കവരും എടുത്തുപറയുന്ന ഒന്നാണ് ഇവിടുത്തെ വളരെ നല്ല ഒരു അന്തരീക്ഷം, വീണ്ടും വരാൻ പ്രചോദിപ്പിക്കുന്ന ,എന്നാൽ ലളിതമായ ഒരു പ്രതീതി ഉളവാക്കുന്നു.വെറുതെ നടന്നു കയറാവുന്ന ഒരു റെസ്റ്റോറന്റ് എന്നതിലുപരി, ഒരു 5 സ്റ്റാർ ഹോട്ടലിന്റെ പ്രതീതി ഉളവാക്കുന്നു.
ഇന്ദ്രജിത്തിനും പ്രിത്ഥിവിരാജിനും ഇഷ്ടപ്പെട്ട ഒരു വിഭവങ്ങളെക്കുറിച്ചും ശ്രീമതി മല്ലിക പറഞ്ഞു. പ്രിഥ്വിരാജിനു ചിക്കൻ ആണ് കൂടുതൽ ഇഷ്ടം, എന്നാൽ ഇവിടുത്തെ ‘ചിക്കൻ പട്യാല’ ആണ് ചിക്കൻ വിഭവങ്ങളിൽ ഏറ്റവും താല്പര്യം.കൂടെ ‘ഗ്രിൽഡ് പ്രോൺസ് ‘ എല്ലാ ഗ്രില്ലും താല്പര്യമാണ് എന്നൽ, കൊഞ്ചിനോട് ഒരു പ്രത്യേക ഇഷ്ടം ഉണ്ട്. ഇന്ദ്രജിത്തിന്റെ ഇഷ്ടപ്പെട്ട വിഭവം ഒരു കാൽമി കബാബ് , ചിക്കന്റെ കാലുമൊത്തമായി,കശുവണ്ടിയും,കുങ്കുമപ്പൂവും മസാലകളും ചേർത്തു ഉണ്ടാക്കുന്ന ഒരു പ്രത്യേകതരം കബാബ്.
സ്ഥിരമായി വന്നു കഴിക്കുന്നവർ ധാരാളം ഉണ്ട്, അക്കൂട്ടത്തിൽ എടുത്തു പറയേണ്ടതായ ഒരാളുണ്ട്. ഒരു ദിവസം അദ്ദേഹം തന്റെ ഫാമിലിയുമായി വന്നു,ഏതാണ്ട് പത്തുപേരോളം കൂടെയുണ്ടായിരുന്നു.ആഹാരം കഴിഞ്ഞ് ബില്ലു കൊടുത്തപ്പോൾ, വളരെ രഹസ്യമായി അടുത്തുവന്ന് എന്നോടു പറഞ്ഞു, “മാഡം,ബില്ലിൽ എന്തോ തെറ്റുണ്ട്, മറ്റേതോ റ്റേബിളിന്റെ ആണ്” സംശയം പറഞ്ഞു. അന്ന് ഞങ്ങൾ അവരെ പറഞ്ഞു മനസ്സിലാക്കി,ഇതെല്ലാം ഇവിടുത്തെ വളരെ മിതമായ റേറ്റുകൾ മാത്രമാണ് എന്നുള്ള വിവരം.അതിനു ശേഷം ഒരാഴ്ച വിടാതെ എല്ലാ ആഴ്ചവട്ടം അദ്ദേഹം കുടുബസഹിതം ഇവിടെ ഭക്ഷണത്തിന്നയി എത്തിന്നു. ആഹാരത്തിന്റെ രുചിയെപ്പറ്റിയും ഓരോ ഐറ്റത്തിന്റെ പ്രത്യേകതകളും ചോദിച്ചറിയാനും മറക്കാറില്ല.പ്രത്യേകിച്ച് ഇവിടുത്തെ കരിക്ക് പുഡ്ഡിംഗും അതിന്റെ രുചിയും, അവതരണശൈലിയും ആണ് അവരെ പ്രത്യേകം ആകർഷിച്ചതിത് എന്നു പിന്നീടു പറഞ്ഞു. രണ്ടു ദിവസം അടുപ്പിച്ച കഴിക്കാൻ വന്നാപ്പോൾ പറഞ്ഞു, “ആഹാരത്തിന്റെ രുചിയാണ് എന്നെ വീണ്ടും ഇവിടെക്കൊണ്ടുവന്നത്“ എന്ന്.

ചുരുങ്ങിയ വാക്കിൽ 10 ൽ മാർക്കിട്ടാൽ,സ്പസ് ബോട്ടിനെ നമുക്ക് ഇങ്ങനെ വിശദീകരിക്കാം,പരിതസ്ഥിതി–7/10,വൃത്തി/വെടിപ്പ് –7/10,ആദിത്യമര്യാദ –8.5/10,സ്വാദ്–7/10,കാശിന്റെ മൂല്യം –8/10 . ഒരു നല്ല ചിന്താഗതിയും മനസ്സും ഒത്തുചേരുന്ന ഒരു സന്ധ്യയിൽ ,മനസ്സിനു തൃപ്തിയുളവാക്കുന്ന ആഹാരം കഴിക്കാൻ കുടുംബസമേതം പോകാൻ പറ്റിയ സ്ഥലം എന്നു വിശേഷിപ്പിക്കാം സ്പൈസ് ബോട്ട്”. ദോഹയുടെ ഹൃദയഭാഗം എന്നു വിശേഷിപ്പിക്കാവുന്ന കോർണിഷിൽ അൽമാഹ റ്റ്വിൻ റ്റവറിൽ,സരസവും ,സോല്ലാസപരവും ആയ പരിചാരകരും,സ്വാദിഷ്ടവും ഹൃദ്യവുമായ ഭക്ഷണവുത്തിനും ഇത്രടം സമയം കൊണ്ട് സ്വയം പേരുനേടിക്കഴിഞ്ഞു,

കപ്പ്കേക്കുകൾ- മെഹ്നാസ് സുൽഫി

Posted on Categories ColumnLeave a comment on കപ്പ്കേക്കുകൾ- മെഹ്നാസ് സുൽഫി

4-pm-25-mehnaaz
കപ്പ്കേക്കുകൾ- മെഹ്നാസ് സുൽഫി
ആഘോഷം എന്ന് കേൾക്കുമ്പോൾ ആദ്യം മനസ്സിൽ വരുന്നത് കേക്ക് തന്നെ ആവും അല്ലേ!. കേക്കിന്റെ പിന്നിൽ ഒരു വലിയ ചരിത്രം തന്നെ ഉണ്ട്. കേക്ക് എന്ന ആശയം ആദ്യം കൊണ്ടുവന്നത് ഈജിപ്ത്തിൽ നിന്നാണ്.കേരളത്തിലെ ആദ്യത്തെ ബേക്കറി ആയ മമ്പള്ളി ബേക്കറി 1880-ൽ തലശ്ശേരിയിലാണ് ആദ്യമായി Christmas cake ഉണ്ടാക്കിയത്. വളരെ സ്‌പെഷ്യൽ ആയ ഒരു വിഭവമായിട്ടാണ് ഇന്ന് കേക്ക് തയ്യാറാക്കുന്നത്. നിങ്ങളുടെ ഏറ്റവും പ്രിയപ്പെട്ടവര്ക്ക് വേണ്ടി തയ്യാറാക്കാൻ ആരുംതന്നെ എത്ര വേണമെങ്കിലും മിനക്കേടാനും, കഷ്ടപ്പെടാനും തയ്യാർ. പിറന്നാൾ, വിവാഹവാർഷികങ്ങൾ, കല്യാണം എന്നു വേണ്ട എല്ലത്തരം ആഘോഷങ്ങൾക്കും ഇന്ന് അതിപ്രധാനമാണ് കേക്കുകൾ. കേക്കിന്റെ വര്ദ്ധിാച്ച വിപണന സാധ്യത മുന്കൂരട്ടികണ്ട് വീടുകളിൽ നിന്ന് കേക്ക് കുടിൽ വ്യവസായം പോലെ വ്യാപിച്ചുതുടങ്ങി. രുചിയിലും വൈവിദ്ധ്യങ്ങൾ നിറഞ്ഞ കേക്കുകൾ ഇന്ന് സുലഭമാണ്. ബെയ്ക്കിംഗ് പലർക്കും ഇന്ന് തീഷ്ണമായ ഒരു താല്പര്യംകൂടിയാണ് .
മെഹ്നാസ് സുൽഫി കേക്ക് ബെയിക്കിംഗ് തുടങ്ങിയത് ഒരു ഹോബി എന്ന നിലയിലായിരുന്നു . പ്രിയപ്പെട്ടവർക്ക് ഭക്ഷണം ഉണ്ടാക്കി സ്നേഹത്തോടെ വിളംബാൻ ചെറുപ്പം മുതലേ ഇഷ്ടമായിരുന്നു കൂട്ടുകാർക്ക് പിറന്നാൾ സമ്മാനമായി കേക്ക് നല്കാറുണ്ടായിരുന്നു .പന്നീട് അവർ കേക്ക് ആവശ്യപ്പെടാൻ തുടങ്ങി .അവരുടെ പ്രോത്സാഹനവും പിന്തുണയും ചെറിയ രീതിയിൽ ബിസിനെസ്സ് തുടങ്ങാൻ സാഹചര്യമൊരുക്കി.വീട്ടിൽ ബെയ്ക്ക് ചെയ്യുന്നതിലുള്ള പ്രത്യേകത രുചിയിൽ നിലനിർത്താനും ഗുണമേന്മയുള്ള കൂട്ടുകൾ ഉപയോഗിച്ച് കേക്ക് ഉണ്ടാക്കി നല്കാൻ എപ്പോശും ശ്രമിക്കാറുണ്ട് .തുടക്കക്കാരി എന്ന നിലയിൽ കൂടുതൽ മേന്മയുള്ള കേക്ക് എങ്ങനെ ഉണ്ടാക്കാം എന്നും, മെച്ചപ്പെട്ട രുചിക്കൂട്ടുൾക്കായുള്ള പരീക്ഷണങ്ങൾ നടത്താറുണ്ട്‌. കൂട്ടുകാരുക്കും,വീട്ടുകാരും നല്കുന്ന പ്രൊത്സാഹനം മാത്രമാണ് എന്നെ ഇതിൽ നിലനിർത്തുന്നത്. ഐസിംഗ് ചെയ്യുന്ന കേക്ക് കാഴ്ചയിൽ മനോഹരമാക്കുന്നതിനും, രുചി കൂട്ടുന്നതിനും സഹായിക്കും. വിവിധതരം കൂട്ടുകൾ ഉള്ള ഐസിംഗുകൾ ഉണ്ട് .ഏറ്റവും കൂടുതൽ പ്രചാരം ഉള്ളത് butter icing ആണ് .ഇപ്പോൾ cream cheese icing ആവശ്യക്കാർ ഏറെ ഉണ്ട്.
അങ്ങനെതന്നെയാണ് കേക്കിന്റെ കൂടെ കപ്പ് കെയ്ക്കിലേക്ക് ഒന്ന് കൂടുതൽ ശ്രദ്ധ തിരിച്ചത്. കപ്പ് കേക്കുകളിൽ തന്നെ മിനി കേക്കുകൾക്കും രൂപം കൊടുത്തു. ചെറിയ മീറ്റിംഗുകൾ, പാർട്ടികൾ എന്നിവക്ക് മിനി കപ്പ്കേക്കുകൾക്ക് ധാരാളം ആവശ്യക്കാരുണ്ട്. അതിനുവേണ്ടിയുള്ള ഐസിംഗുകൾ വളരെ സൂഷ്മതയോടെ ചെയ്യേണ്ടതാണ്. പിന്നെ കേക്കുകളിൽ നിന്ന് പെട്ടെന്ന് അടർന്നുപോകാതിരിക്കാനായി ഐസിംഗിന്റെ കട്ടിയും, ചേരുവകളും കൃത്യവും, നിറങ്ങൾ വ്യക്തവും ആയിരിക്കണം. അത് കൊടുക്കുന്ന ബോക്ക്സുകളും , ഒരോരോ കള്ളികളുള്ളവയായിരിക്കണം അല്ലെങ്കിൽ കൂട്ടിമുട്ടി , ഐസിംഗുകൾ ചീത്തയാകാൻ സാധ്യതയുണ്ട്. കേക്കുണ്ടാക്കുന്നതിനെക്കാൾ ഇത്തിരി അധികം ശ്രദ്ധയും സൂഷ്മതയും കപ്പ്കേക്കുണ്ടാക്കുന്നതിനാവശ്യമാണ്.

ക്ഷമയും താല്പര്യവും കുറച്ചു കലാബോധവും ഉണ്ടെങ്കിൽ ഐസിംഗ് ആർക്കും ചെയ്യാം .കേക്ക് കൂടാതെ ബൈയ്ക്ക് ചെയ്തെടുക്കുന്ന നിരവധി വിഭവങ്ങളും ചെയ്യാൻ വലിയ ഇഷ്ടമാണ് .പാചകത്തിൽ ഉള്ള താല്പര്യം മനസ്സിലാക്കിയ ഭർത്താവു സുൾഫികർ അഹമ്മദിന്റെ പ്രോത്സാഹനം കൊണ്ട് മാത്രമാണ് ലുലു നടത്തിയ Food fiesta അനുബന്ധിച്ച പാചക മത്സരത്തിൽ പങ്കെടുക്കാൻ കാരണമായത് . Non veg വിഭാഗത്തില 2 വർഷങ്ങളായി സ്ഥിരം വിജയി ആയിരുന്നു .ഓരോ മത്സരവും ആത്മവിശ്വാസം കൂട്ടുന്നതിനോടൊപ്പം പുതിയ കാര്യങ്ങൾ പഠിക്കുന്നതിനുള്ള അവസരമായും ഞാൻ കണക്കാക്കുന്നു ..ഒഴിവു സമയങ്ങൾ ഇഷ്ടപ്പെട്ട hobbyക്കായി വിനിയോഗിക്കുംബോൾ മാനസികമായി വളരെ സന്തോഷമാണ് ഉണ്ടാവുന്നത് .Social Work ആയിരുന്നു ശരിയായിട്ടുള്ള തൊഴിൽ .ഇപ്പോൾ ഇവിടെയുള്ള ചില സന്നദ്ധ സംഘടനകളുമായി സഹകരിക്കുന്നുണ്ട് .ഇത് കൂടാതെ ചിത്രരചന, jewelry ഉണ്ടാക്കുക, art & craft ,എഴുത്ത് എന്നിവയിലും താല്പര്യം ഉണ്ട്.
• ബട്ടർ സ്കോച്ച് കേക്ക്
ബട്ടർ- 100 ഗ്രാം
ബ്രൌൺ പഞ്ചസാര- 100 ഗ്രാം
മുട്ട- 2
ഗോൾഡൻ സിറപ്പ്- 1 ടേ.സപൂൺ
വാനില എസ്സെൻസ്-1 ടീ.സ്പൂൺ
പാൽ- 75 മില്ലീലിറ്റർ
മൈദ-100 ഗ്രാം
കോൺഫ്ലവർ- 50 ഗ്രാം
ബെയ്ക്കിംഗ് പൌഡർ- 2 ടീ.സ്പൂൺ
കറുവാപ്പട്ട പൊടി- 1/4 ടീ.സ്പൂൺ

ഉണ്ടക്കുന്നവിധം-
രണ്ട് 7 ഇഞ്ച് സാന്റ്റ് വിച്ച് റ്റിന്നുകൾ ബട്ടർ തേച്ച്, അല്പം മൈദ തൂകി വെക്കുക. ബട്ടറും പഞ്ചസാരയും ഒരുമിച്ച് തേച്ച് പതപ്പിക്കുക, മുട്ടയുടെ മഞ്ഞയും, ഗോൾഡൻ സിറപ്പിം, വാനിലയും, പാലും ചേർത്ത് വീണ്ടും പതപ്പിക്കുക പൊടിയായിട്ടുള്ളവയെല്ലാം ഒരുമിച്ച് ചേർത്ത് ഇടഞ്ഞ് വെക്കുക, അൽപ്പാൽപ്പമായി ,ക്രീം ചെയ്തു വെച്ചിരിക്കുന്ന മിസ്രിതത്തിലേക്ക് ചേർക്കുക. പുറകെ മുട്ടയുടെ വെള്ള അടിച്ചു പതപ്പിച്ച് കേക്കിന്റെ ഈ മിസ്രീതത്തിലേക്ക് ചേർക്കുക. തയ്യാറക്കിവെച്ചിരിക്കുന്ന റ്റിന്നിൽ ഒഴിച്ച് 190 C (ഗ്യാസ് 5) 20-25 മിനിറ്റ് ബേക്ക് ചെയ്യുക. തണുത്തുകഴിയുംബോൾ , നേരെ നടുവെ മുറിച്ച് ബട്ടർ ഐസിംഗ് പുരട്ടി വീണ്ടും ഒരുമിച്ചു ചേർത്ത് മുകളീൽ ഐസിംഗ് പഞ്ചസാരതൂകി ഉപയോഗിക്കുക

മെഹ്നാസ് തീർത്തും പറയുന്നു, “ഇല്ല ഇതുവരെ അങ്ങനെ യാതൊരുവിധ പ്രവർത്തിപരമായ പരിശീലങ്ങളും ഞാൻ പഠിച്ചിട്ടില്ല“. ഏതാണ്ട് കുറച്ചു മാസങ്ങൾ, ഗൌരവപരമായി ബെയ്ക്കിംഗിൽ പൂർണ്ണമായി ശ്രദ്ധിച്ചു. തീർച്ചയായും ഒരു പ്രോഫഷണൽ പരിശീലനം ആവശ്യക്കാർക്ക് നൽകാൻ, ചെറിയതോതിൽ ക്ലാസ്സുകൾ എടുക്കണം എന്നൊരു തോന്നൽ വന്നിട്ടുണ്ട്. താമസിയാതെ അതിനുള്ള തീരുമാനങ്ങൾ എടുക്കണം. ആവശ്യാനുസരണം എനിക്ക് കേക്കിന്റെ ആവശ്യങ്ങൾക്കായി സമീപിക്കാറുണ്ട്. ഇന്ന് എനിക്ക് ധാരാളം ആവശ്യക്കാരുണ്ട്, ബെർത്ത്ഡേ, പാർട്ടികൾ,എന്നിവക്കായി ഓർഡർ തരും. കൂടെ അവരുടെ കേക്കിന്റെ ആവശ്യവും, വ്യക്തിയുടെ താല്പര്യങ്ങളും ഇഷ്ടങ്ങളും,മറ്റും ആലോചിച്ചു തിരുമാനിച്ചാണ് കേക്കിന് എന്തു “theme“ വേണം എന്നു തീരുമാനിക്കുന്നത്. സൂഷ്മമായ ഗവേഷണവും അന്വേഷണവും കേക്കിന്റെ theameനുള്ള സാമഗ്രികൾ,നിറങ്ങൾ എന്നിവക്ക് ആവശ്യമാണ്. മേനാസിന്റെ കാഴ്ചപ്പാടിൽ”എനിക്ക് ഓരോ കേക്കും ഓരൊ പുതിയ അനുഭവജ്ഞാനങ്ങളാണ് “.