ചിക്കൻ സ്റ്റൂ

http://www.marunadanmalayali.com/column/salt-and-pepper/chicken-stew-56951

ചിക്കൻ സ്റ്റൂ
4 പേർക്കുള്ളത് / സമയം 45 മിനിട്ട്
ചിക്കൻ – 1 ,ചെറിയ കഷണങ്ങൾ
വഴറ്റാൻ
1.ഇഞ്ചി- 1 കഷണം നീളത്തിൽ അരിഞ്ഞത്
2.വെളുത്തുള്ളീ-2 നീളത്തിൽ അരിഞ്ഞത്
3.മഞ്ഞൾപ്പൊടി-1/4 ടീ.സ്പൂൺ
4.സവാള- 2 നീളത്തിൽ അരിഞ്ഞത്
5.പച്ചമുളക് -3 നെടുകെ കീറിയത്
6.വെളിച്ചെണ്ണ-3 ടേ.സ്പൂൺ
7.വെണ്ണ-1 ടീ.സ്പൂൺ
8.ഉലുവ-1/2 ടീ.സ്പൂൺ
9.വഷണയില-1 കീറിയത്
10.കുരുമുളക്-1 ടീ.സ്പൂൺ
11.പട്ട-2 ഇഞ്ച് (പൊട്ടിച്ചത് )
12.ഏലക്ക -4 ചതച്ചത്
13.ഗ്രാമ്പു- 3
14.കറിവേപ്പില – 3 കതിർപ്പ്
15.തേങ്ങാപ്പാല്- 3 കപ്പ്, 2 കപ്പ് നേത്തതും, 1 കപ്പ് കുറുകിയതും
16.മഞ്ഞള്പ്പൊടി-1/4 ടീ.സ്പൂൺ
17.പച്ചക്കറി- 2 കപ്പ് ,ക്യാരറ്റ്,ബീന്സ്,പട്ടാണി,ഉരുളക്കിഴങ്ങ് വട്ടത്തില് ഞുറുക്കിയത്
18.ഗരം മസാല -1/4 റ്റീസ്പൂണ് ,പൊടിച്ചത്

തയ്യാറാക്കുന്ന വിധം
നല്ല വാവട്ടമുള്ള പാത്രത്തിൽ,എണ്ണയും വെണ്ണയും,ഇട്ട് 8 മുതല് 13 വരെയുള്ള മസാലകൾ ഒന്നു പൊട്ടാൻ അനുവദിക്കുക. അതിനു ശേഷം സവാളവഴറ്റി,നേർമ്മയാകുമ്പോൾ, വെളുത്തുള്ളിയും,ഇഞ്ചിയും, ചച്ചമുളകും, വഴറ്റുക. ചിക്കൻ കഷണങ്ങളും ചേർത്ത്,ചെറുതീയിൽ,കോഴിയുടെ വെള്ളം ഇറങ്ങാൻ അനുവദിക്കുക. ഈ സമയത്ത്, ഇളം തേങ്ങാപ്പാലിൽ,മഞ്ഞൾപ്പൊടി കലക്കി കോഴിയിലേക്ക് ഒഴിക്കുക. പാത്രം മൂടിവെച്ച് വേവിക്കുക. 15 മിനിറ്റിനു ശേഷം,മൂടി തുറന്ന്,വെന്തു എന്നുറപ്പാക്കിയതിനുശേഷം,ഉപ്പും കറിവേപ്പിലയും ചേർത്തിക്കുക. അതിനു ശേഷം തേങ്ങായുടെ തനിപ്പാലൊഴിക്കുക.
വിളംബാൻ
കറി വിളബനുള്ള പാത്രത്തിലേക്ക് മാറ്റിവെക്കുക. അതിനു ശേഷം , ഒരു സ്പൂൺ നെയൂം, വെളിച്ചെണ്ണയും എടുത്ത്, കരിവേപ്പിലയും, രണ്ടു വറ്റൽ മുളകും കടുവറുത്ത്, കറിക്കുമുകളിലേക്കൊഴിക്കുക, ഇളക്കരുത്. പൊടിച്ചു വെച്ചിരിക്കുന്ന ഇറച്ചി മസാല മുകളിൽ തൂവുക, കൂടെ അൽപ്പം ഉലുവാപ്പൊടീയും.
കുറിപ്പ്:- കുറിപ്പ്:-ക്രിസ്തുമസ് ദിവസവും,എല്ലാ വിശേഷദിവസങ്ങളിലും രാവിലെ ഒട്ടുമിക്ക ക്രിസ്ത്യാനി കുടിംബങ്ങളിലും,വെള്ളപ്പവും കോഴി സ്റ്റുവും,ഒഴിച്ചു കൂടാൻ പറ്റാത്തവിഭവമാണ്.
എളുപ്പത്തില് ഒരു സൂപ്പ്
കറിക്കായി മുറിക്കുന്ന കോഴിയില് നിന്നും ഉരിഞ്ഞു മാറ്റുന്ന തൊലി,ചെറിയ കഷണങ്ങളായി മുറിക്കുക. കൂടെ ചിറകിന്റെ അറ്റം,കാലിന്റെ മുറിച്ചുമാറ്റുന്ന ഭാഗങ്ങള് എന്നിവയെല്ലാം ചേർത്ത് കുറച്ചു വെള്ളവും ചേർത്ത്,അതിലേക്ക്,കാരറ്റ്,ബീൻസ്,ഉരുളക്കിഴങ്ങ് എന്നിവ ചെറിയ കഷണങ്ങളായി മുറിച്ചിടുക. കൂടെ കുരുമുളകുപൊടി,ചതച്ച വെളുത്തുള്ളി (തൊലിയോടു കൂടി) ഉപ്പ്,കരിവേപ്പില,മല്ലിയില എന്നിവയും ചേര്ത്ത്,നല്ലവണ്ണം തിളപ്പിക്കുക. തിളച്ചു കഴിയുമ്പോൾ ചിക്കന്റെ തൊലിക്കഷണങ്ങൾ എടുത്തു മാറ്റുക. സൂപ്പ് റെഡി. ഇതു പൂർണ്ണമായും അരിച്ച്, ഒരു ക്ലിയർ സൂപ്പായും ഉപയോഗിക്കം.