ചിക്കൻ സ്റ്റ്യൂ

http://www.marunadanmalayali.com/column/salt-and-pepper/chicken-stew-99491

ക്രിസ്തുമസ് ദിവസം രാവിലെ എല്ലാ ക്രിസ്ത്യാനി കുടിംബങ്ങളിലും, വെള്ളപ്പവും കോഴി സ്റ്റുവും, ഒഴിച്ചു കൂടാന്‍ പറ്റാത്തവിഭവമാണ്. 4 പേര്‍ക്കുള്ളത് / സമയം 45 മിനിട്ട്
അവശ്യമുള്ളവെ
വഴറ്റാന്‍
1.ഇഞ്ചി- 1 കഷണം(നീളത്തില്‍ അരിഞ്ഞത്)
2.വെളുത്തുള്ളീ-2 നീളത്തില്‍ അരിഞ്ഞത്
3.മഞ്ഞള്‍പ്പൊടി-1/4 ടീ.സ്പൂൺ
4.സവാള- 2 നീളത്തിൽ അരിഞ്ഞത്
5.പച്ചമുളക് – 10 നെടുകെ കീറിയത്
6.വെളിച്ചെണ്ണ-3 ടേ.സ്പൂൺ
7.വെണ്ണ-1 ടേ.സ്പൂൺ
8.ഉലുവ-1/2 ടീ.സ്പൂൺ
9.വഷണയില-1 കീറിയത്
10.കുരുമുളക്-1 ടീ.സ്പൂൺ
11.പട്ട-2 ഇഞ്ച് , ചതച്ചത്
12.ഏലക്ക -4 ചതച്ചത്
13.ഗ്രാമ്പു- 3
14.കറിവേപ്പില – 3 കതിര്‍പ്പ്
15.ചിക്കന്‍ – 1 (ചെറിയ കഷണങ്ങള്‍)
16.തേങ്ങാപ്പാല്‍- 3 cup, ( 2കപ്പ് നേത്തതും, 1 കപ്പ് കുറുകിയതും)
17.മഞ്ഞള്‍പ്പൊടി-1/4 ടീ.സ്പൂൺ
18.പച്ചക്കറി- 2 കപ്പ്, ക്യാരറ്റ്, ബീന്‍സ്, പട്ടാണി, ഉരുള‍ക്കിഴങ്ങ് വട്ടത്തില്‍ ഞുറുക്കിയത്
19.ഗരം മസാല -1/4 ടീ.സ്പൂൺ

തയ്യാറാക്കുന്ന വിധം
നല്ല വാവട്ടമുള്ള പാത്രത്തില്‍,എണ്ണയും വെണ്ണയും,ഇട്ട് 8 മുതല്‍ 13 വരെയുള്ള മസാലകൾ ഒന്നു പൊട്ടാന്‍ അനുവദിക്കുക. അതിനു ശേഷം സവാളവഴറ്റി, നേര്‍മ്മയാകുമ്പോൾ, വെളുത്തുള്ളിയും,ഇഞ്ചിയും, ചച്ചമുളകും, വഴറ്റുക. ചിക്കന്‍ കഷണങ്ങളും ചേര്‍ത്ത്, ചെറുതീയില്‍, കോഴിയുടെ വെള്ളം ഇറങ്ങാൻ അനുവദിക്കുക. ഈ സമയത്ത്,ഇളം തേങ്ങാപ്പാലില്‍,മഞ്ഞള്‍പ്പൊടി കലക്കി കോഴിയിലേക്ക് ഒഴിക്കുക. പാത്രം മൂടിവെച്ച് വേവിക്കുക. 15 മിനിറ്റിനു ശേഷം,മൂടി തുറന്ന്,വെന്തു എന്നുറപ്പാക്കിയതിനുശേഷം,ഉപ്പും കറിവേപ്പിലയും ചേര്‍ത്തിക്കുക. അതിനു ശേഷം തേങ്ങായുടെ തനിപ്പാലൊഴിക്കുക. വിളംബാനുള്ള പാത്രത്തിലേക്ക് മാറ്റിയിട്ട്, പൊടിച്ചു വെച്ചിരിക്കുന്ന ഇറച്ചി മസാല മുകളില്‍ക്കൂടി തൂവുക.
എളുപ്പത്തില്‍ ഒരു സൂപ്പ്
കറിക്കായി മുറിക്കുന്ന കോഴിയില്‍ നിന്നും ഉരിഞ്ഞു മാറ്റുന്ന തൊലി,ചെറിയ കഷണങ്ങളായി മുറിക്കുക. കൂടെ ചിറകിന്റെ അറ്റം,കാലിന്റെ മുറിച്ചുമാറ്റുന്ന ഭാഗങ്ങള്‍ എന്നിവയെല്ലാം ചേര്‍ത്ത്,കുറച്ചു വെള്ളവും ചേര്‍ത്ത്, അതിലേക്ക്, കാരറ്റ്,ബീന്‍സ്, ഉരുളക്കിഴങ്ങ് എന്നിവ ചെറിയ കഷണങ്ങളായി മുറിച്ചിടുക. കൂടെ കുരുമുളകുപൊടി, ചതച്ച വെളുത്തുള്ളി (തൊലിയോടു കൂടി) ഉപ്പ്,കരിവേപ്പില,മല്ലിയില എന്നിവയും ചേര്‍ത്ത്,ന‍ല്ലവണ്ണം തിളപ്പിക്കുക. തിളച്ചു കഴിയുമ്പോള്‍ ചിക്കന്റെ തൊലിക്കഷണങ്ങൾ എടുത്തു മാറ്റുക. സൂപ്പ് റെഡി. ഇതു പൂര്‍ണ്ണമാ‍യും അരിച്ച്, ഒരു ‍ക്ലിയർ സൂപ്പായും ഉപയോഗിക്കം.

ഒരു കുറിപ്പടി:- തേങ്ങാപ്പാൽ ഒഴിക്കാതെ വെറും വെള്ളം ഒഴിച്ച് വേവിച്ച് പറ്റിച്ച് വെച്ചിരുന്നാൽ , അറിയിക്കാതെ വന്നു കയറുന്ന അഥിതികൾക്ക് ഒരു നല്ല സ്റ്റ്യൂ നൾകാൻ സാധിക്കും. ഒന്നു തിളപ്പിച്ച് ഒന്നാം പാൽ മാത്രം ഒഴിച്ച് കറിയാക്കിയെടുക്കാം. പച്ചമുളക് കുറച്ച്, മുളക് പൊടി ചേർത്താൽ വെളുത്ത നിറം മാറി ചുവന്ന കളർ കറിക്ക് നൽകുകയും, സ്വാദും വ്യത്യസ്ഥമായിരിക്കും.