Subscribe Now !

×

Subscribe to receive updates each week, plus get exclusive content, only available to those on my mailing list.

വൈക്കം ബി രാജമ്മാൾ- ഗാനകോകിലം, സംഗീതജ്ഞ

Posted on Categories ColumnLeave a comment on വൈക്കം ബി രാജമ്മാൾ- ഗാനകോകിലം, സംഗീതജ്ഞ

Vaikom B Rajammal

ശ്രവണസുന്ദരങ്ങളായ ശബ്ദങ്ങൾ കൊണ്ട് മനസ്സിൽ വികാരങ്ങൾ സൃഷ്ടിച്ചു രസിപ്പിക്കുന്ന ഒരു കലയാണു് സംഗീതം. രാഗതാളപദാശ്രയമായതാണ്‌ സംഗീതം എന്നാണ്‌ നാട്യശാസ്ത്രത്തിൽ സംഗീതത്തെക്കുറിച്ചു പറയുന്നത്. സമ്യക്കാകുന്ന നല്ല ഗീതം എന്നാണ് ‘സംഗീതം’ എന്ന വാക്കിനർത്ഥം .ശ്രോതാക്കളിൽ സന്തോഷം,ദുഃഖം, അനുകമ്പ, തുടങ്ങിയ വികാരങ്ങൾ ഉളവാക്കാൻ സംഗീതത്തിനു കഴിയുമെന്ന് വിശ്വസിക്കുന്നു. മഴ പെയ്യിക്കാനും, രോഗശമനത്തിനും വരെ സംഗീതത്തെ ഉപയോഗിക്കാമെന്ന് ചിലർ വിശ്വസിക്കുന്നു. ഈ കലയ്ക്ക്, ഒരുപക്ഷെ, മനുഷ്യചരിത്രത്തോളം തന്നെ പഴക്കമുണ്ടാവാം. ശബ്ദങ്ങൾ ഉപയോഗിച്ച് ഇരകളെ ആകർഷിക്കുവാനും, മറ്റാശയങ്ങൾ വിനിമയം ചെയ്യാനും ആദിമമനുഷ്യന് കഴിഞ്ഞിരുന്നു.പിന്നീട്, സമൂഹമായി ജീവിക്കാനും കൂട്ടായി അധ്വാനിക്കാനും തുടങ്ങിയപ്പോൾ വിരസതയകറ്റാനും ഉന്മേഷം പകരാനും സംഗീതം ഒരു കലയായി വികസിച്ചുവന്നു. ജനങ്ങളുടെ സാംസ്കാരികപുരോഗതിയിൽ സംഗീതത്തിന് ഒരു പ്രധാന പങ്കുണ് മനുഷ്യർ പല രാജ്യങ്ങളിലെയും കൂടുതൽ ബന്ധപ്പെട്ടതുമൂലം സംഗീത രീതികളും കൂടികലർന്നു.അത് പിന്നീട് ഫ്യൂഷൻ സംഗീതം എന്ന വിഭാഗമായും തീർന്നു . എന്നാൽ കേരള സംഗീതം,കൃഷ്ണനാട്ടം, കഥകളി, മോഹിനിയാട്ടം, തുള്ളൽ, കൈകൊട്ടിക്കളി എന്നിവയിൽ ആണ്‌ നമ്മുടെ പൂർവികർ സംഗീതത്തിന്റെ മൂർത്തഭാവങ്ങൾ കണ്ടിരുന്നത്. നിരവധി കേരളീയ ഗാനങ്ങളുടെയും താളങ്ങളുടെയും പേരുകൾ ആട്ടക്കഥകളിലും തുള്ളൽക്കഥകളിലുമായി ചിതറിക്കിടപ്പുണ്ടെങ്കിലും അവയിൽ പൂരിപക്ഷവും കാലത്തിന്റെ വിസ്മൃതിയായി കഴിഞ്ഞു. ശാസ്ത്രീയമായി ഇനിയും സ്വരപ്പെടുത്തി കഴിഞ്ഞിട്ടില്ലാത്ത ഈ രാഗങ്ങളുടെയും വിന്യാസഭേദം സൂക്ഷ്മതരമാക്കിയിട്ടില്ലാത്ത താളങ്ങളുടെയും പിൻബലത്തിലാണ് ഇന്ന് ‘കേരള സംഗീത’മെന്ന സങ്കല്പം കുടിക്കൊള്ളുന്നത്.
Vaikom B Rajammal

വൈക്കം മഹാദേവക്ഷേത്രത്തിലെ അഷ്ടമി ഉത്സവത്തിന്റെ ഒന്‍പതാംദിവസം, രാവിലെ സംഗീതക്കച്ചേരി വൈക്കം രാജമ്മാൾ പാടുന്നു.നാരായണീയ തത്വസമീക്ഷാ സത്രത്തിന് വൈക്കം രാജമ്മാളിന്റെ ഈശ്വരപ്രാര്‍ത്ഥനയോടെ തുടക്കം നടത്തി. രാകേന്ദു സംഗീതോത്സവത്തിന്റെ തുടക്കം

സ്‌കൂൾ മൈതാനത്തു സംഗീതഞ്ജരായ വൈക്കം രാജമ്മാളിന്റെ സംഗീത കച്ചേരിയോടെ നടന്നു. ത്യാഗരാജ ആരാധന ത്യാഗരാജപഞ്ചരത്‌നകീര്‍ത്തനാലാപനത്തോടെ മാതംഗി സത്യമൂര്‍ത്തി, വൈക്കം രാജമ്മാൾ, ലേഖ രഘുനാഥ് എന്നിവരുടെ കച്ചേരിയോടെ തുടക്കം കുറിച്ചു!എന്നിങ്ങനെ പലവിധം സംഗീത പരിപാടികളുടെയും, ക്ഷേത്ര ഉത്സവങ്ങളുടെയും ഒത്തെ നടുക്ക് എല്ലാത്തിനും മുന്നോടിയായി വൈക്കം രാജമ്മാളിന്റെ കച്ചേരിയോടെ തുടക്കം എതാണ്ട് 1980 കളിൽ മുതൽ ഉള്ള കോട്ടയം സ്വദേശികൾക്കും കേരളത്തിലുള്ള എല്ലാ സംഗീത വിദ്വാന്മാർക്കും ചിരപരിചിതം തന്നെ!

എന്റെ അമ്മയുടെ കൂടെ പഠിപ്പിക്കുന്ന കോട്ടയം നാട്ടകം സ്കൂളിലെ സംഗീത അദ്ധ്യാപികയായിരുന്നു വൈക്കം ബി രാജമ്മാൾ! പല സംഗീതവിദ്ധ്യാർത്ഥികൾക്കും സംഗീതത്തിന്റെ സരിഗമ പധനിസ ചൊല്ലിക്കൊടുത്തു , പല കുട്ടികളുടെയും സംഗീതസ്വരങ്ങളുടെ ചുക്കാൻ പടിച്ചു രാജമ്മാൾ ടീച്ചർ! ആത്മർത്ഥതയെക്കാൾ സംഗീതത്തോടുള്ള ആരാധന സംഗീതത്തെ ദൈവത്തിന്റെ പ്രതിരൂപമായി കണ്ടു രാജമ്മാൾ ടീച്ചർ. സംഗീതം തന്റെ അടുത്ത് പഠിക്കാൻ വരുന്ന കുട്ടികൾക്കൊപ്പം , തന്റെ മക്കളായ, പ്രേമയെയും പ്രിയയെയും അതേ ആത്മാർഥതയോടെ സംഗീതം പഠിപ്പിക്കാൻ രാജമ്മാൾ റ്റീച്ചർ മറന്നില്ല.

Vaikom B Rajammal

ഗുരുവായൂർ ഏകാദശിയോടനുബന്ധിച്ച് നടന്നു വരുന്ന ചെമ്പൈ സംഗീതോത്സവത്തിലെ അതിപ്രധാനമായ പഞ്ചര്തന കീര്‍ത്തനാലാപനമാണ് ക്ഷേത്രത്തിലെ സംഗീതപ്രേമികളെ ആനന്ദനിര്‍വൃതിയിൽ ആറാടിക്കാറ്. നാദബ്രഹ്മത്തിന്റെ അമൃതം നുകരാന്‍ മേല്‍പ്പത്തൂർ ഓഡിറ്റോറിയത്തിൽ തിങ്ങിനിറഞ്ഞ ആയിരങ്ങള്‍ക്ക് നിര്‍വൃതിയുടെ അമൃതനിമിഷങ്ങൾ സമ്മാനിച്ച് പഞ്ചരത്‌നകീര്‍ത്തനാലാപനം തേന്‍മഴയായി പെയ്തിറങ്ങിയത്. എന്‍.പി.രാമസ്വാമി, ഡോ.ഗുരുവായൂർ മണികണ്ഠൻ, വെള്ളിനേഴി സുബ്രഹ്മണ്യം, ഡോ: കെ. ഓമനക്കുട്ടി, ഡോ: വിജയലക്ഷ്മി സുബ്രഹ്മണ്യം, പാല്‍ക്കുളങ്ങര അംബികാദേവി, ഡോ: മാലിനിമനോഹരന്‍, വൈക്കം രാജമ്മാൾ എന്നിവരുടെ കച്ചേരിയോടെ ചെബൈയ് സംഗീതം അവസാനിച്ചു

ശ്രീമതി രാജമ്മാൾ എന്നാൽ കോട്ടയം സ്വദേശികളുടെ ചിരപരിചിതമായ മുഖവും അഭിമാനവും ആണ്. തിരുനക്കര മഹാദേവന്റെ അനുഗ്രഹത്താൽ പ്രശസ്ത സംഗീതജ്ഞയും കോട്ടയം തിരുനക്കര അംബലനടക്കടുത്ത് തന്നെയാണ് താമസവും. ഭർത്താവ് റിട്ടയേർഡ് ഹെഡ്മാസ്റ്റർ വി കെ മണിഅയ്യർ ആണ്. രണ്ട് പെൺമക്കൾ അമ്മയുടെ വഴിതന്നെയാണ് തിരഞ്ഞെടുത്തതു. മൂത്തയാൾ ചെന്നയിൽ താമസിക്കുന്നു. രാണ്ടാമത്തെ മകൾ Dr.പ്രിയ സംഗീതത്തിൽ പി എച് ഡി എടുത്തിട്ടുണ്ട്. ഇപ്പോൾ ബഹറിനിൽ ഭർത്താവിനോടും മകളോടുമൊപ്പം താമസിക്കുന്നു.

പഴയതല്ലാത്ത പെണ്‍ചരിത്രം

Posted on Categories KanmashiLeave a comment on പഴയതല്ലാത്ത പെണ്‍ചരിത്രം

IMG-20171121-WA0015

കേരളീയ സംസ്കാരം എന്ന ഒന്ന്‌ ഉണ്ട് ഈ നാട്ടിൽ!. അത്‌ സംരക്ഷിക്കാൻ കടപ്പെട്ടവരും ഉണ്ട്!. ചരിത്രം ഒരു പാർട്ടിക്കും, സംഘടനകൾക്കും ,വ്യക്തികൾക്കും തിരുത്താൻ ആവില്ല. ജനങ്ങൾ ആണ് ചരിത്രം രചിക്കുന്നത്. അത്‌ സംരക്ഷിക്കാനും അവർക്കറിയാം. അപ്പനപ്പുപ്പമ്മാരെയെല്ലാം പീഡോഫീലയക്കാരായും അമ്മയമ്മൂമ്മമാരെയെല്ലാം ഇരകളായും ബലറാം കണ്ടുപോയാൽ എങ്ങനെ പഴിക്കാനാകും, ആരോട് പരാതി പറയും! മഹാനായ തൊഴിലാളി കര്‍ഷക നേതാവിനെ അവഹേളിച്ചത് വഴി സാധാരണക്കാരന്‍റെയും പാവപ്പെട്ടവന്‍റെയും ആത്മാഭിമാനബോധത്തെയാണ് കേരളത്തിലെ ഒരു രാഷ്ടീയ സഹവർത്തി അവഹേളിച്ചിരിക്കുന്നതെന്ന് നിശ്ശംശയം പറയാം! കൂടെ കേരളത്തിന്റെ സംസ്കാരം, വർഷങ്ങളുടെ രീതികൾ , സ്തീശക്തിയെ, സ്ത്രീകളുടെ സംസ്കാരപാരംബര്യത്തെ! കാലങ്ങളുടെ മാറ്റം, രീതികളുടെ വളർച്ച, ചിന്താഗതികളുടെ മാറ്റത്തിലൂടെ സമത്തിനൊപ്പം , വന്ന മാറ്റങ്ങൾ പ്രശംസനീയം തന്നെ. എന്നാൽ പഴയകാലങ്ങളെ സംസ്കാരത്തെ കുറ്റപ്പെടുത്താനും , അതുവഴി വ്യകതികളുടെ പ്രവർത്തികളെ ഒന്നാകെ കുറ്റപ്പെടുത്താനും സാധിക്കില്ലാ , ആർക്കും !

പഴമക്കാരുടെ കഥകളിൽ നിന്ന് കേട്ടതാണ്, വല്യപ്പച്ചന് 14 വയസും വല്യമ്മച്ചിക്ക് 13 വയസുമുള്ളപ്പോഴാണ് അവരുടെ കല്യാണം കഴിഞ്ഞത്. മൂത്താങ്ങളയുടെ തോളിലിരുന്ന് കുന്നിന്‍ മുകളിലെ പള്ളിയിലേക്ക് കല്യാണം കഴിക്കാൻ പോകുന്നത് വല്യമ്മച്ചി രസകരമായി വിവരിക്കുന്നത് കേട്ടിട്ടുണ്ട്.കരയാതിരിക്കാന്‍ ചക്കരയും തേങ്ങയും കയ്യിൽ കൊടുത്തിരുന്നു. നല്ല ബുദ്ധിസാമര്‍ത്ഥ്യമുണ്ടായിരുന്ന അഞ്ചാം ക്ളാസിൽ പഠിപ്പ് നിര്‍ത്തേണ്ടി വന്ന വല്യമ്മച്ചി 15 വയസു മുതൽ പേറൂ തുടങ്ങി കാണണം. 10 പെറ്റു. 9 പേർ ജീവിച്ചു. ഇല്ലായ്മയിലും വല്ലായ്മയിലും അയല്‍വക്കത്തുള്ള കുഞ്ഞുങ്ങള്‍ക്കൂം പങ്കു കൊടുത്തും കുഞ്ഞുങ്ങളെ വളര്‍ത്തിയും.എവിടെയും രേഖപ്പെടുത്തപ്പെടാതെ മണ്‍മറഞ്ഞു. ഇത് ഒരുകാലത്തെ അത്ര പഴയതല്ലാത്ത പെണ്‍ചരിത്രം. ഇതൊക്കെ ഈ കഥകയായി, മറ്റു പല പേരുകളിൽ, അംബലങ്ങളിൽ നടന്ന കഥകളായും കേട്ടവർ ധാരാളം ആയിരിക്കാം! എന്നിരുന്നാലും ചരിത്രത്തിന്റെ ഏടുകളെ കുറ്റപ്പേടുത്തിയ പ്രസ്താവനകൾ വരുംബോൾ ഇത്തരം കേട്ടുകഥകൾ പലരുടെ മനസ്സിലും ഉരുത്തിരിഞ്ഞു വരുന്നുണ്ടാവാം, നിശ്ശംശയം!

അപ്പനപ്പുപ്പമ്മാരെയെല്ലാം പീഡോഫീലയക്കാരായും അമ്മയമ്മൂമ്മമാരെയെല്ലാം ഇരകളായും കണ്ടുപോയാൽ എങ്ങനെ പഴിക്കാനാകും കൂട്ടുകാരെ , വീട്ടുകാരെ, നാട്ടുകാരെ! പെൺകാഴ്ച ആണിന് ഒരു പ്രത്യാശതന്നെയാണ്. ജീവിക്കാനും പ്രണയിക്കാനും കാമിക്കാനുമുള്ള അവകാശത്തിന്റെ ഭാഗമാണത്. ആൺ കാഴ്ചകൾ പെണ്ണിനും ഇതേ അവകാശം നല്കുന്നുണ്ട്. സമൂഹത്തിന്റെ വിരസവും വന്ധ്യവുമായ ജീവിതമുഹൂർത്തങ്ങളിൽ സ്വയം വിവസ്ത്രരായിക്കൊണ്ട് കാഴ്ചയുടെ ഉടലുകൾ നടത്തിയ വിമോചനപ്രഖ്യാപനം കൂടിയാണ് കേരളത്തിന്റെ പെൺചരിത്രം. അവര്‍ക്കു ജീവിക്കാൻ തേയിലക്കാട്ടിലും കുറ്റിക്കാട്ടിലും അഭിമാനം വിറ്റു ജീവിച്ചാൽ മതിയായിരുന്നെങ്കിൽ ഇത്രയും വലിയൊരു പെണ്‍ചരിത്രം കേരളത്തില്‍നിന്ന് ഉണ്ടാകില്ലായിരുന്നു. അവരുടെ ജീവിതസമരങ്ങൾ മൂന്നുനേരം അല്ലലില്ലാതെ കഴിക്കാനും പിന്നെ മാന്യമായി ജീവിക്കാനും വേണ്ടിയായിരുന്നു എന്നു തിരിച്ചറിയനുള്ള വകതിരിവുണ്ടായിരുന്നു കേരളത്തിലെ ജനങ്ങൾക്ക് , അവരുടെ ചിന്താഗതിക്ക്! അതിനാൽ മാറ്റങ്ങളെ മനസ്സിലാക്കാനും സ്ത്രീ എന്നത് ഒരു ജീവിനും, ശക്തിയും, രക്ഷയും ദേവിയും ആണെന്നും അംഗീകരിക്കാൻ താമസം ഉണ്ടായില്ല!

കേരളീയ പെണ്‍മയുടെ കഥകൾ ദശാബ്ദം പിന്നിടുകയാണ്. അജ്ഞാനത്തിന്റെയും പാരതന്ത്ര്യത്തിന്റെയും സര്‍ഗാത്മക നിഷേധത്തിന്റെയും ഇരുള്‍ വീണ പഴയ പെണ്‍വീഥികളിളല്ലം അക്ഷര വസന്തത്തിന്റെ വെളിച്ചക്കീറുകൾ പിറന്നു വീണത്. ശൈശവ വിവാഹം മനുഷ്യാവകാശങ്ങളുടെ ലംഘനമാണ്വിവാഹം കഴിക്കുന്ന പെണ്‍കുട്ടികൾ നേരിടുന്ന ഒരു പ്രധാന പ്രശ്നം ശൈശവ വിവാഹത്തോടെ വീട്ടുകാരിൽ നിന്നും കൂട്ടുകാരിൽ നിന്നും അകറ്റപ്പെടുന്നു.വിദ്യാഭ്യാസത്തിന് സാധിക്കുകയില്ല.സമൂഹത്തിലെ പല അവസരങ്ങളിൽ നിന്നും മാറ്റി നിർത്തപ്പെടുന്നു. നിയമപരമായി പെണ്‍കുട്ടി 18 വയസ്സ് കഴിഞ്ഞവളും ആണ്‍കുട്ടി 21 എന്ന് കാലഘട്ടത്തിന്റെ മാറ്റത്തോടെ അംഗീകരിക്കപ്പെട്ടു. എങ്കിലും പെട്ടുപെഴച്ച് ചിലയിടത്തെങ്കിലും നടക്കുന്ന ശൈശവവിവാഹത്തെ സമൂഹം ഒന്നടങ്കം ഇന്ന് എതിക്കുക തന്നെ ചെയ്യുന്നു! എന്നാൽ എതോകാലത്ത് എങ്ങനെയോ നടന്ന വിവാഹങ്ങളെ ഉദാഹരണമായി നൽകി അതിലൂടെ പ്രശസ്തരെയും സമൂഹത്തെയും ഒന്നടങ്കം അവഹേളിക്കുന്നതിലൂടെ ആർക്കും ഒരു നേട്ടവും ഉണ്ടാകുന്നില്ല എന്ന് മനസ്സിലാക്കാൻ വിദ്യാഭ്യാസത്തിന്റെ നെടുംതൂണുകളുടെ ആവശ്യം ഇല്ല, തീർച്ച!

ഒരു അടിവര
അവകാശം എന്നാൽ സമൂഹത്തിനും വ്യക്തിക്കും ഉള്ള സ്വാതന്ത്രം ആണ് അത് സ്ത്രീക്ക് അവകാശപ്പെതാണ്,ജീവിക്കാനുള്ള അവകാശം. സ്വാതന്ത്ര്യത്തിനുള്ള അവകാശം, അത് വിവാഹത്തോടെ ഇല്ലാതാകുന്നില്ല,സ്വന്തം താല്പര്യത്തിനു അനുസരിച്ച് ജീവിക്കാനുള്ള അവകാശം. സ്വയം സുരക്ഷക്കുള്ള അവകാശം,! തനിക്ക് ഇഷ്ടമുള്ള ആൾക്ക് വോട്ട് ചെയ്യാനുള്ള അവകാശം. കുട്ടികളെ ജനിപ്പിക്കുന്നതിനും ഗർഭധാരണതിനുമുള്ള അവകാശം. സമൂഹത്തിൽ വസ്ത്രം,പാർപ്പിട,ഭക്ഷണം എന്നിവ ലഭിക്കുമെന്നുള്ള അവകാശം! വിദ്യാഭ്യാസം.ചൂഷണത്തിന് എതിരെ ഉള്ള അവകാശം. സാമൂഹിക തിന്മകളിൽ നിന്നുള്ള സ്വാതന്ത്രം! തന്റെ ഭാഷ,സംസ്ക്കാരം എന്നിവ സംരക്ഷിക്കാനുള്ള അവകാശം.വിവേചനമില്ലാതെ മതം , ജാതി ,ഭാഷ ഇതൊന്നും നോക്കാതെ ജീവിക്കനുള്ള അവകാശം, ഇല്ലെ ഏതൊരു സ്ത്രീക്കും! ഉണ്ടെന്നാണ് വിശ്വാസം…………………

കടലക്കറി

Posted on Format AsideCategories Food & HealthLeave a comment on കടലക്കറി

http://www.marunadanmalayali.com/story-95372

ആവശ്യമുള്ളവ

കടല – 1 കപ്പ്
ചുവന്നുള്ളി – 10
സവാള- 1
ഇഞ്ചി – 1ടേ.സ്പൂൺ(അരിഞ്ഞത്)
വെളുത്തുള്ളി- 1 ടേ.സ്പൂണ്‍
മുളക് പൊടി -2 ടീ.സ്പൂണ്‍
മല്ലിപൊടി – 2 ടേ.സ്പൂണ്‍
മഞ്ഞള്‍പ്പൊടി – ¼ ടി.സ്പൂണ്‍
ഗരം മാസലപൊടി – 1ടീ.സ്പൂണ്‍
തേങ്ങക്കൊത്ത്- 3 ടേ.സ്പൂൺ
ഉപ്പ് –പാകത്തിന്
കടുക് – 1ടീ.സ്പൂണ്‍
എണ്ണ – ആവശ്യത്തിന്
കറി വേപ്പില – ഒരു തണ്ട്

പാകം ചെയ്യുന്ന വിധം:
കടല തലേദിവസം വെള്ളത്തിൽ കുതുർത്തുവെക്കുക. കറുത്ത കടല കുതിരാൻ സമയം കൂടുതൽ വേണം. വെള്ള കടല വേഗം കുതിരും.പ്രഷര്‍കുക്കറിൽ കുതിർന്ന കടല, മഞ്ഞൾപ്പൊടിയും, ഉപ്പും, കരിവേപ്പിലയും ചേർത്ത് വേവിക്കുക. ഒരു ചീനിച്ചട്ടിയിൽ എണ്ണയൊഴിച്ച് ചുവന്നുള്ളി, സവാള, വെളുത്തുള്ളി,ഇഞ്ചി എന്നിവ നന്നായി വഴറ്റുക. കൂടെ മുളക്പൊടി, മല്ലിപ്പൊടി, ഗരംമാസലപ്പൊടി, ആവശ്യമെങ്കിൽ ഉപ്പും ചേര്‍ത്ത് നന്നായി വഴറ്റി എടുക്കുക. ഇതിലേക്ക് തേങ്ങക്കൊത്തും ചേർക്കുക.നല്ല പോലെ വെന്ത കടല കുക്കർ തുറന്നു വഴറ്റിയ മസാലയിലേക്ക് ചേർക്കുക. കടല ചാറിനു ആവശ്യമായത്ര വെള്ളം വറ്റി കഴിയുമ്പോള്‍ തീ അണച്ച് വാങ്ങി വെക്കുക. മറ്റൊരു ചീനിച്ചട്ടിയിൽ എണ്ണ ചൂടാക്കി കടുകു വറുത്ത് കറിയിലേക്ക് ചേർക്കുക.

കുറിപ്പ്:- നാടൻ കടലക്കറിയുടെ രുചിയും മണവും അതിൽ ചേർക്കുന്ന ഇറച്ചിമസാലയുടെ കൂട്ടനുസരിച്ചിരിക്കും. അതും കറുത്തകടലക്കാണ് നാടൻ രുചി