Subscribe Now !

×

Subscribe to receive updates each week, plus get exclusive content, only available to those on my mailing list.

അമ്മയുടെ മടിത്തട്ടെന്നെ ആദ്യ വിദ്യാലയം

Posted on Categories KanmashiLeave a comment on അമ്മയുടെ മടിത്തട്ടെന്നെ ആദ്യ വിദ്യാലയം

IMG-20171121-WA0015

“അമ്മേ വേഗം കഴിക്കാൻ താ, ഇന്ന് അസംബ്ലിയൊള്ളതാ, ലേറ്റായാൽ മാം എന്നെ വഴക്കു പറയും” , ബസ്സ് വരാൻ സമയമായി, എന്റെ ഷൂസ് എവിടെ അമ്മെ? “ എന്റെ ഹോംവർക്ക്ബുക്ക് കാണുന്നില്ല അമ്മെ” രാവിലെ ഈ ശബ്ദം, ഇതേ വാക്കുകൾ, കേട്ടിട്ടില്ലാത്ത ഒരമ്മയും ഈ ലോകത്ത് കാണില്ല” നമ്മുടെ ഇംഗീഷ് വിംഗ്ലീഷിലെ’ ശ്രീദേവി അടക്കം! അഖിലാണ്ഡ മണ്ഡലമണിയിച്ചൊരുക്കാൻ, അതിനുള്ളിലെ ആനന്ദദീപങ്ങളെ തയ്യാറെടുപ്പിക്കാൻ അമ്മ പെടുന്ന പാട് കുറച്ചൊന്നും അല്ല, തീർച്ച. “ജനഗണമന പാടി 12ആം ക്ലാസ്സ് വരെ സ്കൂളിൽ പഠിക്കുബോഴും അമ്മ , ചോറും പൊതിയും കെട്ടി, യൂണിഫോമും തേച്ചു കൊടുത്ത്, ഷൂസും പോളീഷ് ചെയ്തുവെച്ച്, റ്റൈംറ്റേബിൽ പോലും എടുത്തു കൊടുക്കുന്ന അമ്മാമാരും ഇല്ലാതില്ല….” പന്ത്രണ്ടു വർഷത്തെ വിദ്യാലയജീവിതത്തിന് തിരശീല വീഴുന്നതിനു മുൻപ് അമ്മമാർക്ക് മാത്രമായുള്ള“ഡയലോഗുകൾ” … ട്രിങ് ട്രിങ്ട്രിങ്!

ആദ്യം

എന്നാൽ ആ ബാല്യം ഒരു ദിവസത്തേക്ക് കിട്ടിയിരുന്നുവെങ്കിൽ എന്ന ഓർമ്മിച്ച് വിഷമിക്കാത്തവരും ഇല്ലാതില്ല! അമ്മയുടെ കൈ പിടിച്ച് ആദ്യമായി സ്കൂളിൽ പോയത് ഓർമ്മയില്ലാത്ത ആരുംതന്നെ ഉണ്ടാവില്ലെ, സത്യം. ഏതു രാജ്യത്തും, ഏതു ദേശക്കാർക്കും, അങ്ങനെയൊരു ദിവസം ഉണ്ട്. കുറേ നാളത്തേക്ക്,ആദ്യമായി നിറകണ്ണകളുമായി അമ്മയുടെ കൈവിട്ട്, ക്ലാസ്സ് മുറിയിലേക്ക് കയറിയ ആ നിമിഷം മറക്കാൻ പറ്റാത്ത ഒന്നാണ്!. ആദ്യാക്ഷരം കുറിക്കാൻ വേണ്ടി എൽ.പി. സ്കൂളിളിലെ ഓർമ്മകൾ നിറഞ്ഞ് തുളുമ്പി നില്ക്കുന്ന ആദ്യത്തെ വിദ്യാലയം എന്നും അമ്മാമാർക്കൊപ്പം മാത്രമാണ് എല്ലാ കുട്ടികളും പോയിക്കാണുക. ഇന്ന് ആ സ്കൂളുകൾ കാണുമ്പോൾ വീണ്ടും ഓർമ്മ വരുന്നു. നനഞ്ഞൊലിയ്ക്കുന്ന കുടയും ചൂടി വെള്ള ഷർട്ടിനോട് ചേര്ത്തു പിടിച്ച തടിസ്ലേറ്റുമായിട്ട് അക്ഷരാങ്കണത്തിലേയ്ക്കുള്ള ആദ്യയാത്രകൾ ചെയ്ത ഓർമ്മകൾ സൂക്ഷിച്ചു വെച്ചിരിക്കുന്നവർ ഇന്നും ധാരാളം, ഈ ഞാനടക്കം!അമ്മയുടെ കയ്യും പിടിച്ച് നഴ്സറി ക്ലാസ്സിലേയ്ക്ക് കയറിയതെങ്കിലും മഠത്തിലെ കന്യാസ്ത്രീകളായ അദ്ധ്യാപികമാര്ക്കിടയിൽ പകച്ചു നിന്നു. ആദ്യത്തെ ദിവസം തന്നെ കുട്ടികളെ എല്ലാം മാതാപിതാക്കളിൽ നിന്ന് അകറ്റിഒരു ക്ലാസ് മുറിയിലിരുത്താറുണ്ട്. എന്നാലും എന്റെ അമ്മ ജനൽക്കബിയിൽ പിടിച്ച് എന്നെയും നോക്കി നിന്നിരുന്നു. അമ്മയുടെ ചിരിയിൽ നിന്ന് എന്നിലേക്കൊഴുകിയെത്തിയ ധൈര്യം, ഇന്നും നമ്മളോരോരുത്തിരിലും നിറഞ്ഞു തുളുംബിത്തന്നെ നിൽക്കുന്നു.
ബാല്യകാലത്ത് ഇന്ലന്റു ലെറ്ററിൽ ബന്ധുക്കള്ക്കെല്ലാം കത്തെഴുതിപ്പിച്ച്, സ്വന്തം ഒരു ഡയറി എഴുതിപ്പിച്ച് നമ്മളിലെ എഴുത്തുകാരി/എഴുത്തുകാരൻ എന്നുള്ള ആദ്യ സ്ഫുരണങ്ങൾ നട്ടു വളർത്തിയത് അമ്മയാണ് എന്ന് ‘ അന്ന്’ നമ്മളാരും ചിന്തിച്ചുകാണില്ല! പില്ക്കാലത്ത് മഹാനഗരങ്ങളിലൂടെ ജോലി, ജീവിതം, പ്രാരാബ്ധം എന്നു പറഞ്ഞലയുംബോൾ സമാശ്വാസവാക്കുകൾ നിറഞ്ഞ കത്തുകളിലെ വരികൾക്കിടയിൽഒളിപ്പിച്ചു വെച്ച സ്നേഹവുമായെത്തുന്ന അമ്മ.

വിദ്യാലയം

അമ്മയുടെ മടിതട്ടാണ് ആദ്യ വിദ്യാലയം.“ അമ്മയുടെ മടിത്തട്ട് വീടല്ലെ? വീടു നന്നാക്കാതെ നിങ്ങളെങ്ങനെ സമൂഹത്തെ നന്നാക്കും? കുറ്റം പറഞ്ഞും നിർബന്ധിച്ചും, പേടിപ്പിച്ചും ആരും ആരെയും നന്നാക്കിയിട്ടില്ല,.. ഇന്നു വരെ. സ്നേഹത്തിലൂടെയും ക്ഷമയും ഉള്ള അമ്മക്ക് മാത്രമെ അതു സാധിച്ചിട്ടുള്ളു. അമ്മയുടെ മടിത്തട്ട് എല്ലാത്തിനും പരിഹാരം എന്നു ‘സ്റ്റാംബടിച്ച്” ഇരിക്കുംബോൾ ജീവിക്കാന് വേണ്ടീ നേട്ടോട്ടം ഓടേണ്ടിവരുന്ന അമ്മയെ എങ്ങിന്റെ നിങ്ങള് കുറ്റം പറയും? സമൂഹത്തിനു അപജയം സംഭവിക്കുന്നു വെങ്കിൽ ഇവിടെ ( മടിതട്ടാണ്) ഏതോ പോരായിമ സംഭവിച്ചിരിക്കുന്നു . കുഞ്ഞു പ്രായത്തിൽ പഴം ചൊല്ലും, കുട്ടികവിതയിലൂടെയും നന്മ നിറക്കാൻ ഇന്നത്തെ അമ്മമാർക്ക് കഴിയുന്നില്ല, എന്നല്ല! അറിയില്ല, അറിയാവുന്ന മുത്തശ്ശി വൃദ്ദ്ധ സദനത്തിൽ ആണ് ഇന്ന്! ഇനി ഇപ്പോ പെട്ടന്ന് ചോദിച്ചാല് നെറ്റിൽ സെര്ച്ച് കൊടുക്കും! (പുതിയ വളഞ്ഞ ബുദ്ധി )
“ക്ഷീര മുള്ളൊരു അകിടിൻചുവട്ടിലും ……” എന്നതാണ് കൌതുകം ! ഈശ്വരോ രക്ഷതു !

വീടെന്ന വിദ്യാലയം

‘മാതാപിതാക്കൾ കുട്ടികളുടെ വ്യക്തിത്വം രൂപപ്പെടുത്തുന്നു’ എന്ന് പല വിശുദ്ധ ഗ്രന്ധങ്ങളിലും ചൂണ്ടിക്കാണിക്കുന്നു. സന്താനങ്ങള്ക്ക് നല്കാവുന്ന മികച്ച ഉപഹാരം ഉത്തമ ശിക്ഷണമാണ് വീട്ടിൽ നിന്നും ലഭിക്കുന്നത്.’തനിക്ക് ലഭിച്ച ഏറ്റവും നല്ല പാഠപുസ്തകം അമ്മയായിരുന്നു’വെന്ന് സാക്ഷ്യപ്പെടുത്തിയത് എബ്രഹാം ലിങ്കണ്. എന്നാല്, വീടും വിദ്യാലയവും തമ്മിലുള്ള ദൂരവും സംഘര്ഷവുമത്രെ ഇക്കാലത്ത് കുട്ടികളുടെ ബോധത്തെ നിര്വീര്യമാക്കിത്തീര്ക്കുന്നത്. കുട്ടിയുടെ ആദ്യ വിദ്യാലയം അമ്മയുടെ മടിത്തട്ടാണെന്ന സത്യം വിസ്മരിക്കപ്പെടുന്നു. ക്ളാസ് മുറിയിൽ നിന്ന് സ്വായത്തമാക്കിയ ധര്മപാഠങ്ങളെ തലകുത്തി നിര്ത്തുന്ന ഗൃഹാന്തരീക്ഷമാണ് മാതാപിതാക്കള് ഒരുക്കുന്നതെങ്കില്, കുട്ടിയുടെ മനോനിലയെ അത് സങ്കീര്ണമാക്കുകയും വ്യക്തിത്വത്തെ ശിഥിലപ്പെടുത്തുകയും ചെയ്യും. എന്നാല്, വീടനുഭവം കാഴ്ചയിലും കേള്വിയിലും ശീലങ്ങളിലും നല്ലത് മാത്രമാകുമ്പോൾ നന്മ നിറഞ്ഞ ഒരാൾ പുതിയ ഒരു ലോകപൌരൻ ആയി ശക്തമായ ഒരു വ്യക്തിത്വമായി ആ കുട്ടി വളര്ന്നു തുടങ്ങുന്നു.

ഒരു നന്ദി:- ജോലി എല്ലാം എല്ലാവർക്കും വേണ്ടി ചെയ്തുകൊടുക്കുന്ന അമ്മയെആരെങ്കിലൂം ,അനുമോദിക്കാറുണ്ടോ? അമ്മ ചെയ്യുന്ന പോലെ ആർക്കും ചെയ്യാൻ സാധിക്കില്ല ഒന്നും എന്ന് അവരെ ഓർമ്മിപ്പിക്കയോ ബോധ്യപ്പെടുത്തുകയോ ചെയ്യാറുണ്ടോ? ആരെങ്കിലും അമ്മയുടെ മടിത്തട്ട് എല്ലാത്തിനും പരിഹാരം എന്നു ‘സ്റ്റാംബടിച്ച്” ഇരിക്കുംബോൾ ജീവിക്കാൻ, നിങ്ങളെ നിങ്ങളാക്കാൻ വേണ്ടി നേട്ടോട്ടം ഓടേണ്ടിവരുന്ന അമ്മയെ നിങ്ങൾ മറുന്നു പോകരുത്. “ താങ്ക്യു പറയൂ, മോനേ, മോളെ എന്ന് ഓർമ്മിച്ചിരുന്ന അമ്മക്ക് നിങ്ങൾ ‘ നന്ദി’ പറയാറുണ്ടോ? തങ്ങൾക്കു വേണ്ടി മാത്രമാണ് അമ്മ ജീവിച്ചത്. ‘ മദേഴ് ഡേ ക്ക് ഗ്രീറ്റിംഗ് കാർഡിൽ മാത്രം അമ്മയെ കാണുന്നതല്ല സ്നേഹം, എന്നും എല്ലാലവും അമ്മയാണ് സ്നേഹം!

ചീര,വെണ്ടക്ക,കോവക്ക- ഇന്നത്തെ പച്ചക്കറി

Posted on Format AsideCategories Food & HealthLeave a comment on ചീര,വെണ്ടക്ക,കോവക്ക- ഇന്നത്തെ പച്ചക്കറി

http://www.marunadanmalayali.com/column/salt-and-pepper/salt-and-pepper-89439

• ചീര

ചീര- ഒരു പിടി, പച്ചമുളക്- 2,കൊച്ചുള്ളി- 4,ഉപ്പ്- പാകത്തിന്

ഒരു ചീനച്ചട്ടിയിൽ അരസ്പൂൺ എണ്ണ ഒഴിച്ച്, കടുകിട്ട്, ഒരു തണ്ട് കരിവേപ്പിലയും ഇട്ട് പൊട്ടിക്കുക. ചീര കൈകൊണ്ട് പിച്ചി ഇട്ട്, പച്ചമുളകും കീറി കൊച്ചുള്ളിയും ചതച്ചിട്ട് പാത്രത്തിന്റെ ഒത്ത നടുക്ക് കൂട്ടിയിട്ട് 3 മിനിറ്റ് വേവിക്കുക. തീകെടുത്തി പാത്രത്തിൽ ഒന്നു നിരത്തി ഇളക്കി വിളംബാനുള്ള പാത്രത്തിലേക്ക് മാറ്റുക.

• കോവക്ക

കോവക്ക 10 എണ്ണം, പച്ചമുളക് 2, മഞ്ഞപ്പൊടി ½ ടീ.സ്പ്പുൺ, മുളക്പൊടി 1 ടീസ്പൂൺ, കരിവേപ്പില, കടുക് ഒരു നുള്ള്, ഉപ്പ് പാകത്തിന്.

1 ടേ.സ്പൂൺ എണ്ണയൊഴിച്ച് കടുക് പൊട്ടിട്ട് അതിലേക്ക് കോവക്കയും മഞ്ഞൾപ്പൊടിയും, ഉപ്പും കരിവേപ്പിലയും ചേർത്ത്, 5 മിനിറ്റ് മൂടിവെച്ച് വേവിക്കുക. മൂടി തുറന്ന് ആവശ്യമെങ്കിൽ ½ സ്പൂൺ എണ്ണകൂട് ചേർത്ത് കൊവക്കയിലേക്ക് മുളക്പൊടിയും ചേർത്ത് ഒന്നിളക്കുക. തീകുറച്ച് ഒന്നുകൂടി മൂക്കാൻ അനുവദിക്കുക. ഒന്നിളക്കി, വിളംബാനുള്ള പാത്രത്തിലേക്ക് മാറ്റുക.

• വെണ്ടക്ക

വെണ്ട്ക്ക 10 എണ്ണം,പച്ചമുളക് 2, കരിവേപ്പില, കടുക് ഒരു നുള്ള്, ഉപ്പ് പാകത്തിന്

1 ടേ.സ്പൂൺ എണ്ണയൊഴിച്ച് കടുക് പൊട്ടിട്ട് അതിലേക്ക് വെണ്ടക്കയും ,കീറിയ പച്ചമുളകും, ഉപ്പും കരിവേപ്പിലയും ചേർത്ത്, 5 മിനിറ്റ് ഉലർത്തുക. ഒന്നിളക്കി, അധികം മൂക്കാൻ അനുവദിക്കാതെ വിളംബാനുള്ള പാത്രത്തിലേക്ക് മാറ്റുക.

ഒരു കുറിപ്പ് :- ഈ പച്ചക്കറികൾ എല്ലാ തന്നെ വീട്ടിൽ ഉണ്ടായതായതിനാൽ അധികം കഴുകേണ്ട ആവശ്യം ഇല്ല. നമ്മുടെ തന്നെ വീട്ടിലെ പച്ചക്കറി വെയിസ്റ്റുകൾ, കഞ്ഞിവെള്ളം , അരികഴുകുന്ന വെള്ളം, ചിക്കൻ കഴുകുന്ന വെള്ളം എന്നിവയെല്ലാം ആണ് പച്ചക്കറികൾക്ക് ഞാൻ വെള്ളവും വളവും ആയി ഉപയോഗിക്കാറുള്ളത്. ആർക്കും 5 ചട്ടി പച്ചക്കറി ഏതൊരു ഫ്ലാറ്റിലെ ബാൽക്കണിയിൽ വളർത്താവുന്നതാണ്. 2 ചട്ടി ചീര, 2 ചട്ടി വെണ്ടക്ക, ഒരു ചട്ടിയിൽ കരിവേപ്പില, ഇതൊക്കെ മാത്രമെ, ഏതൊരു മലയാളിക്കും ആവശ്യമെയുള്ളു.

ലോകസുന്ദരി 2017- മനൂഷി ചില്ലർ

Posted on Categories KanmashiLeave a comment on ലോകസുന്ദരി 2017- മനൂഷി ചില്ലർ

IMG-20171121-WA0015
എന്ത് ജോലിക്കാണ് ഏറ്റവുമധികം പ്രതിഫലം ലഭിക്കുക?എന്തുകൊണ്ട്?മത്സരം തന്നെ നിശ്ചയിക്കപ്പെടുന്ന അവസാനത്തെ ചോദ്യത്തിന് മറുപടി തെല്ലും പതറാതെ മനൂഷി ചില്ലർ പറഞ്ഞു, അമ്മ! അമ്മയാണ് ഏറ്റവുമധികം ആദരം അർഹിക്കുന്നത്. പ്രതിഫലം പണമായെന്നല്ല, മറിച്ച് സ്നേഹവും ബഹുമാനവുമായാണ്. എന്റെ ഏറ്റവും വലിയ പ്രചോദനം അമ്മയാണ്. ഏറ്റവുമധികം പ്രതിഫലം അർഹിക്കുന്നത് ‘അമ്മ’ എന്ന ജോലിയാണ്. മാതൃത്വത്തിനു സ്ത്രീത്വത്തിനും മഹനീയപദം നൽകുന്ന ഭാരതപാരംബ്യര്യത്തിലധിഷ്ടിതമായ ആ ഉത്തരം, മാനുഷിക്ക് കയ്യടി മാത്രമല്ല,ലോകസുന്ദരിപ്പട്ടം ആത്മവിശ്വാസം കൈമുതലാക്കി ദൃഢമായ ശബ്ദത്തിൽ മാനുഷി പറഞ്ഞത് മാതൃത്വത്തിന്റെ മഹത്വത്തെ കുറിച്ചാണ്.സൗന്ദര്യവും ബുദ്ധിയും ഒരുപോലെ മാറ്റുരക്കുന്ന ലോകസൗന്ദര്യ മത്സരവേദിയിൽ മാനുഷിയുടെ കിരീടമുറപ്പിച്ച നിമിഷമായിരുന്നു ആ ഉത്തരം!

ലോകസൗന്ദര്യത്തിന്റെ നെറുകയിൽ 17 വര്ഷങ്ങള്ക്ക് ശേഷമാണ് ഒരിന്ത്യൻ സുന്ദരിയുടെ ആന്ദക്കണ്ണീർ വീണിരിക്കുന്നത് .108 മത്സരാര്ഥികളെ പിന്തള്ളിയാണ് മാനുഷിയുടെ കിരീടനേട്ടം. ലോക സുന്ദരിപ്പട്ടം ചൂടുന്ന ആറാമത്തെ ഇന്ത്യക്കാരിയാണ് മാനുഷി. 2000-ത്തിൽ ‘ദേസി ഗേൾ’ പ്രിയങ്കാ ചോപ്രയാണ് സൗന്ദര്യത്തിന്റെ അവസാനവാക്കായ ലോകസുന്ദരി പട്ടം ഇന്ത്യയിലെത്തിച്ചത്.ഇന്ത്യയുടെ വിവിധ സംസ്ഥാനങ്ങളിൽ നിന്നുള്ള 28 മത്സരാര്ത്ഥികളെ പിറകിലാക്കിയാണ് മാനുഷി ഇത്തവണ ഫെമിന മിസ് ഇന്ത്യയായി തിരഞ്ഞെടുക്കപ്പെട്ടത്.ഇതോടെ ഏറ്റവും അധികം തവണ ലോക സുന്ദരിപ്പട്ടം കരസ്ഥമാക്കൂന്ന രാജ്യം എന്ന ബഹുമതി വെനിസ്വലയുമായി ഇൻഡ്യ ഇതോടെ പങ്കുവെക്കുന്നു. റീത്ത ഫെരിയ 1966, ഐശ്വര്യ റായ് 1994, ഡയന ഹൈഡൻ 1997, യുക്ത മുഖി 1999 പ്രിയങ്ക ചോപ്ര 2000 എന്നിവരാണ് മാനുഷി ചില്ലറിന്റെ മുൻഗാമികൾ.ആദ്യ ഇൻഡ്യൻ ലോക സുന്ദരി റീത്ത ഫെറിയ ഒരു മെഡിക്കൽ വിദ്യാര്ത്ഥിയായിരുന്നു.അതേ, 51 വര്ഷങ്ങള്ക്ക് ശേഷം ചരിത്രം ആവര്ത്തിച്ചിരിക്കുകയാണ്.മാനുഷിയും ഒരു മെഡിക്കൽ വിദ്യാര്ത്ഥിയാണ്.

ലോകസുന്ദരിയാകാൻ കഴിഞ്ഞതിൽ അഭിമാനമുണ്ടെന്നും,ഇപ്പോഴും വിശ്വസിക്കാനാവുന്നില്ല എന്നും,സുഹൃത്തുക്കളും കുടുംബവും തന്ന പ്രോത്സാഹനത്തിന് നന്ദി പറഞ്ഞുകൊണ്ട് മാനുഷി ഓർത്തു. അമ്മയാണ് തന്റെ ജീവിതത്തിലെ ഏറ്റവും വലിയ പ്രചോദനം എന്ന് മാനുഷി വീണ്ടും വീണ്ടും പറയുന്നു. എല്ലാ അമ്മമാരും അവരവരുടെ കുഞ്ഞുങ്ങൾക്ക് വേണ്ടി ത്യാഗം സഹിക്കുന്നവരാണ്. അതുകൊണ്ട് ലോകത്തേറ്റവും ബഹുമാനവും ശംബളവും ലഭിക്കേണ്ടത് അമ്മക്കാണ് എന്നാണ് ലോകസുന്ദരി അഭിപ്രായപ്പെട്ടു. ഡോക്ടര്മാരായ ദമ്പതികളുടെ മകളാണ് ഹരിയാന സ്വദേശനിയായ മാനുഷി. മാതാപിതാക്കളുടെ വഴിയേ തന്നെ ആയിരുന്നു മാനുഷിയുടേയും പഠനജീവിതം.ഡല്ഹിയിലെ സെന്റ് തോമസ് സ്കൂൾ എന്നിവിടങ്ങളില്നിന്നാണ് പഠനം. സോനിപെട്ടിലെ ഭഗത് ഫൂല്സിങ് സര്ക്കാര് മെഡിക്കല്കോളേജിലാണ് പഠനം.മാതാപിതാക്കളുടെ പാത പിന്തുടർന്ന് വൈദ്യശാസ്ത്രരംഗത്ത് സേവനം അനുഷ്ടിക്കാനാണ് മാനുഷിക്ക് ആഗ്രഹം.
കാർഡിയാക് സർജൻ ആകുകയാണ് ലക്ഷ്യം.ഗ്രാമീണമേഘലകളിൽആശുപത്രികൾ സ്ഥാപിച്ച് ,പാവപ്പെട്ടവർക്കായി ആരോഗ്യപരിപാലനം നടത്തണം എന്നും അഗ്രഹമുണ്ട്.മെഡിസിൻ വിദ്ധ്യാർഥിയാണെങ്കിലും സകലകലാവല്ലഭയാണ് മാനുഷി എന്നാണ് സുഹൃത്തുക്കൾ പറയുന്നത്. പഠനത്തിലും മോഡലിംഗിലും പുറമെ,സ്ക്യൂബ ഡൈവിംഗ്,പാരാഗ്ലൈഡിംഗ് എന്നിവയിൽ ഒരു താരം തന്നേയാണ് മാനൂഷി. ചിത്രരചനയിലും ശാസ്ത്രീയനൃത്തത്തിലും തന്റേതായ വ്യക്തിമുദ്ര പതിപ്പിച്ചിട്ടുണ്ട് മാനുഷി എന്ന് ഒരേസ്വരത്തിൽ അദ്ധ്യാപകരും സാക്ഷ്യപ്പെടുത്തുന്നു.നൃത്തത്തിനോട് അടങ്ങാത്ത അഭിനിവേശമുണ്ട് മാനുഷിക്ക്.കുച്ചിപ്പുടിയാണ് ഇഷ്ട ഇനം.കുച്ചിപ്പുടിയിലെ ഇന്ത്യന്രത്നങ്ങളായ രാജ റെഡ്ഡിയുടേയും രാധാ റെഡ്ഡിയുടേയും ശിക്ഷണത്തിൽ ആയിരുന്നു പഠനം.കൗസല്യ റെഡ്ഡിയുടെ കീഴിലും നൃത്തം അഭ്യസിച്ചിട്ടുണ്ട്.നാഷണൽ സ്കൂൾ ഓഫ് ഡ്രാമയിലും പോയിട്ടുണ്ട് മാനുഷി.അച്ഛന് ഡോ മിത്ര ബസു ചില്ലർ ഡി ആർ ഡി ഒയിലെ ശാസ്ത്രജ്ഞനാണ്. അമ്മ ഡോ നീലം ചില്ലർ ഇന്സ്റ്റിറ്റ്യൂട്ട് ഓപ് ഹ്യൂമൻ ബിഹാവിയർ ആന്റ് അലൈഡ് സയന്സസിലെ അസോസിയേറ്റ് പ്രൊഫസറും ഡിപ്പാര്ട്ട്മെന്റ് ഹെഡ്ഡും ആണ്.

ബ്യൂട്ടി വിത്ത് എ പര്പ്പസ്

എപ്പോഴാണ് മാനുഷി ചില്ലര് എന്ന പേര് ഇന്ത്യക്കാര്ശ്രദ്ധിച്ച് തുടങ്ങിയത്?അത് 2017 ലെ ഫെമിന മിസ് ഇന്ത്യ സൗന്ദര്യ മത്സരത്തില് തന്നെ ആയിരുന്നു. അന്ന് മിസ് ഫോട്ടോജെനിക് ആയും മാനുഷി തിരഞ്ഞെടുക്കപ്പെട്ടിരുന്നു.ഫെമിന മിസ് ഇന്ത്യ ആയതോടെ ആണ് ലോക സുന്ദരിപ്പട്ടത്തിലേക്കുള്ള വഴി തുറന്നത്. സൗന്ദര്യം മാത്രമല്ല മാനുഷി എന്ന ഈ സുന്ദരിയെ ശ്രദ്ധേയയാക്കുന്നത്. ലോക സുന്ദരി മത്സരത്തിന്റെ ഭാഗമായി നടന് ബ്യൂട്ടി വിത്ത് എ പര്പ്പസ് മത്സരത്തിലും സഹ വിജയി ആണ് മാനുഷി. എന്തായിരുന്നു മാനുഷിയുടെ ‘ബ്യൂട്ടിവിത്ത് എ പര്പ്പസ്’ പ്രോജക്ട്! “ആര്ത്തവ ശുദ്ധി” ഇതായിരുന്നു വിഷയം! ഇന്ത്യയിൽ ഇപ്പോഴും കോടിക്കണക്കിന് സ്ത്രീകൾ ആര്ത്തവ ശുചിത്വവുമായി ബന്ധപ്പെട്ട പ്രശ്നങ്ങൾ അഭിമുഖീകരിക്കുന്നവരാണ്.പലര്ക്കും ഇത് സംബന്ധിച്ച് വ്യക്തമായ ബോധ്യം പോലും ഇല്ല എന്നതാണ് സത്യം.മെഡിക്കൽ വിദ്യാര്ത്ഥി കൂടിയായ മാനുഷിക്ക് അത് നന്നായി മനസ്സിലായിട്ടും ഉണ്ടാകും.“പ്രോജക്ട് സാക്ഷി” എന്നായിരുന്നു മാനുഷിയുടെ ബ്യൂട്ടി വിത്ത് എ പര്പ്പസ് പ്രോജക്ടിന്റെ പേര്.ആര്ത്തവ ശുചിത്വത്തെ കുറിച്ച് ബോധവത്കരണം നടത്തുക എന്നതായിരുന്നു ലക്ഷ്യം.ഇതിനായി ഇന്ത്യയിലെ 20 ൽപ്പരം ഗ്രാമങ്ങൾ അവർ നേരിട്ട് സന്ദര്ശിച്ചു.അയ്യായിരത്തിലധികം സ്ത്രീകളുമായി സംവദിക്കുകയും അവര്ക്ക് മാര്ഗ്ഗ നിര്ദ്ദേശങ്ങൾ നല്കുകയും ചെയ്തിട്ടുണ്ട്.

1951 ൽ ബ്രിട്ടണിലാണ് ലോകസുന്ദരി മത്സരം ആരംഭിച്ചത്. കിക്കി ഹാക്കന്സൺ (സ്വീഡന്) ആണ് ആദ്യത്തെ ലോകസുന്ദരി. ലോക സുന്ദരി മത്സരത്തിന് ആതിഥേയത്വം വഹിച്ച എക ഇന്ത്യൻ നഗരം ബംഗളൂരുവാണ്. ലോക സുന്ദരി മത്സരത്തിൽ രണ്ടാം സ്ഥാനത്ത് എത്തിയ ഏക മലയാളിയാണ് പാര്വ്വതി ഓമനക്കുട്ടന്. “ചുറുചുറുക്കുള്ള യുവതിയുടെ കയ്യിലാണ് ഇഡ്യയുടെ ഭാവി”,ലോക സുന്ദരിയെ വാഴ്ത്തി,രാഹുൽ ഗാന്ധി. പ്രധാനമന്ത്രി നരേന്ദ്രമോഡി അടക്കം ഉള്ള പ്രമുകരുടെ സന്ദേശങ്ങളും അഭിനന്ദങ്ങളും മനൂഷിക്ക് കിട്ടിക്കൊണ്ടിരുക്കുന്നു, പ്രശംസമഴയായി! കൂടെ കമലഹാസന്റെ ഇൻഡ്യൻ 2 ലെനായികയായി അഭിനയിക്കാൻ താല്പര്യം അറിയിക്കണം എന്ന സന്ദേശം ശങ്കറിന്റെ ഫിലിം കംബനിയിൽ നിന്ന് പോയിക്കഴിഞ്ഞു എന്നും അറിയുന്നു. പിയങ്ക ചോപ്ര തന്റെ അഭിന്ദന സന്ദേശത്തിൽ പറയുന്നു” ഒരു പിൻഗാമി ഉണ്ടായിരിക്കുന്നു, അഭിനന്ദനങ്ങൾ മാനൂഷി. ജീവിതം പഠിക്കാനുള്ള അമൂല്യമായ അവസരമാണിത്!എല്ലാറ്റിനും ഉപരി ജീവിതം ആസ്വദിക്കൂ”.