Subscribe Now !

×

Subscribe to receive updates each week, plus get exclusive content, only available to those on my mailing list.

വെറും പെണ്ണ്

Posted on Categories KanmashiLeave a comment on വെറും പെണ്ണ്

WhatsApp Image 2017-10-17 at 9.35.17 AM
സാധാരണദിവസം പോലെയുള്ള തുടക്കത്തിന്റെ ആദ്യപടി പത്രം വായന.തുടങ്ങുന്നതിനു മുൻപ് മനസ്സിൽ ഒരു പ്രാർത്ഥനെയുണ്ടായിരുന്നുള്ളു. കർത്താവെ‘ ഇന്നെങ്കിലും ബലാത്സംഗവും.സ്ത്രീപീടനവും, നിയസംഭയിലെ ഇറങ്ങിപ്പോക്കും മാത്രമായിരിക്കരുതെ.മുൻപേജ് വാർത്ത!പതിവുപടി തന്നെ ഇന്നും.വിശ്വാസങ്ങളനുസരിച്ച് ദൈവം സ്വന്തം രൂപത്തിൽ മനുഷ്യനെ സൃഷ്ടിച്ചു.ആകാശം ഭൂമി, സൂര്യചന്ദ്രന്മാർ, താരാഗണങ്ങൾ തുടങ്ങിയവയെ ഓരോ ദിവസങ്ങളായി സൃഷ്ടിച്ച ശേഷം ആറാംദിവസം ദൈവം മനുഷ്യനെ സൃഷ്ടിച്ചതായി ബൈബിൾ പഴയനിയമത്തിൽ പറയുന്നു. മണ്ണുകൊണ്ടു മനുഷ്യനെ മെനഞ്ഞുണ്ടാക്കിയ ദൈവം, മൂക്കിൽ ശ്വാസം ഊതി ജീവൻ നൽകി. സകല ജീവജാലങ്ങളുടെമേലും അവന് ആധിപത്യം നൽകി.മറ്റു ജീവജാലങ്ങളൊന്നും അവനു മതിയായ തുണയാവില്ല എന്നു മനസ്സിലായി. അതിനാൽ, ഹവ്വാ എന്ന സ്ത്രീയെ ദൈവം സൃഷ്ടിച്ചു. ആദാമിനെ ഒരു വാരിയെല്ല് ഊരിയെടുത്ത് അതിൽനിന്നാണ് ഹവ്വായെ സൃഷ്ടിച്ചതെന്നു ബൈബിൾ വിശദീകരിക്കുന്നു. പാതിശരീരം കൊണ്ട് മനുഷ്യനും സ്തീയും ഒന്നാണ് എന്ന് ദൈവം വ്യക്തമാക്കിയില്ലെ, ഇവിടെ!!

ആഷിഖ് അബു അദ്ദേഹത്തിന്റെ മലയാളസിനിമയിലൂടെ ശക്തമായി പ്രതികരിച്ചുകഴിഞ്ഞു കടുംനിറത്തിൽ, സ്തീകൾ പ്രതിസന്ധികൾ തരണംചെയ്യാൻ സമർത്ഥരാണ്.കഷമിച്ചും,സഹിച്ചും ജീവിക്കാൻ പഠിച്ച അതേമനോഭാവം, പ്രകോപിക്കപ്പെട്ടാൽ ശക്തമായി പ്രതികരിക്കും എന്ന് അടിവരയിടുന്ന ചിത്രമാണ് ‘22 ഫിമെയിൽ കോട്ടയം’.പ്രായോഗികബുദ്ധിയോടെ സത്യസന്ധമായി സ്വയം ജീവിച്ചുകാണിക്കുന്ന ഒരു സാധാരണ പെൺകുട്ടിയുടെ ജീവിതം.ഇതു സിനിമ,കഥമാത്രം,ഒരു വികാരപരവശമായ മനസ്സുമായി എല്ലാവരും സിനിമ കണ്ടിറങ്ങി. വേട്ടയാടപ്പെടുന്ന സ്ത്രീകളോട് ചെറുത്തു നിൽക്കാൻ ആഹ്വാനം ചെയ്യുന്ന സിനിമ. മലയാള സിനിമയിലെ സ്ഥിരം സ്ത്രീ സങ്കല്പം പൊളിച്ചെഴുതുന്നുണ്ട് ഈ സിനിമ. അവിടുന്നു തുടങ്ങുന്ന ജീവിതത്തിന്റെ പച്ചയായ കഥ.മനസ്സിൽ ഒരായിരം പ്രലോഭനങ്ങളും,വീരശൂരചിന്തകളും എല്ലാം ഒരുമിച്ചെത്തി, സിനിമാ ഡയലോഗുകൾ പോലെ!

വീറും വാശിയോടെ എല്ലാവരും ഫെയിസ് ബുക്കിലും, വാരികളിലും പത്രങ്ങളിലും, തകർത്ത് എഴുതി, റ്റി വി ചാനലുകൾ ഘോരഘോരം വാദിച്ചു. സോഷ്യൽ നെറ്റ്വർക്കുകൾ പുതിയതമുറയുടെ ചിന്താഗതിയും സ്വഭാവവും നിർവ്വീര്യമാക്കുന്നു എന്നു പറഞ്ഞവർ,ഒരു നിമിഷം ഉണർന്നു ചിന്തിച്ചു.ന്യൂ ഡെൽഹി സംഭവത്തിന്റെ രണ്ടാം ദിവസം പകൽ രാഷ്ടവും,രാഷ്ടനഗരവും,രാഷ്ട്രത്തലവന്മാരും കുടഞ്ഞെഴുനേറ്റു.സെക്കന്റുകളും മിനിറ്റുകളും വെച്ച്, ലക്ഷോഭലക്ഷം ആൾക്കാർ ജീവനോടുമല്ലിടുന്ന പെൺകുട്ടിക്കായി നിരത്തിലിറങ്ങി.കൂടെ ഗവണ്മെന്റും , സൈന്യവും,പോലീസും,ക്രൈസിസ് ഫോഴ്സും എന്നു വേണ്ട എല്ലാവരും കൊടുംതണുപ്പിലും വിയത്തു. ജനങ്ങളുടെ ഒത്തൊരുമക്ക് സോഷ്യൽനെറ്റ്വർക്ക് താങ്ങും തണലുമായി.

എന്തികൊണ്ടണ് സ്തീകൾ ബലാൽക്കാരത്തിനിടയാകുന്നത്? എന്തായിരക്കണം അവരുടെ പ്രതികരണം? വെറും ഒരു കുപ്പത്തൊട്ടിയായി, സമൂഹത്തിൽ നിന്നും,വീട്ടിൽ നിന്നും സുഹൃത്തുക്കിടയിൽ നിന്നു പോലും തിരസ്കരിക്കപ്പെടുന്ന ഇവർ ജീവിതത്തിൽ എന്തു ചെയ്യണം എന്നാണ് നമ്മൾ പ്രതീക്ഷിക്കുന്നത്?

പി ജെ ജെ ആന്റണി, കഥകൃത്തും,പത്രപ്രവർത്തകനും, എച്ച് ആർ അഡ്മിനിസ്റ്റ്രേറ്ററും ,പരിവർത്തകനും ആയ, ഇദ്ദേഹത്തിന്റെ വിദക്താഭിപ്രായത്തിൽ, സ്ത്രീകൾ സ്വയം മനസ്സിനെ ധൈര്യപ്പെടുത്തേണ്ട കാലം അതിക്രമിച്ചിരിക്കുന്നു. സുഹൃത്തുക്കൾക്കും,അടുത്തറിയാവുന്നവർക്കും, ‘ പ്രതാപ് ‘ എന്നറിയപ്പെടുന്ന ,മലയാളികളുടെ പ്രണയനായകൻ, സംവിധായകൻ, എഴുത്തുകാരൻ, പ്രൊഡ്യൂസർ, പ്രതാപ് പോത്തൻ,സ്ത്രീകളെക്കുറിച്ചുള്ള തന്റെ അഭിപ്രായം പല ദിശകളിലേക്ക് നമ്മുടെ ചിന്താഗതിയെ കൊണ്ടുപോകുന്നു. പല ഭാഷകളിലായി തൊണ്ണുറ്റി അഞ്ചിലേറെ സിനിമകളിൽ അഭിനയിച്ച പ്രതാപ് പോത്തൻ സ്ത്രീകളേക്കുറിച്ചുള്ള ചോദ്യങ്ങൾ ഒരു 100 കോടിയുടെ വിലകൽപ്പിക്കുന്നു. ബലാക്കാരങ്ങളും ,ഹീനകൃത്യങ്ങൾക്കും മനുഷ്യനുണ്ടായ കാലമുതൽക്കേയുണ്ട് എന്നു കരുതുന്നു.മനുഷ്യന്റെ ചിന്താഗതിക്ക് മാറ്റം വരാനുള്ള നമ്മുടെ പ്രതീക്ഷകൾ തികച്ചു അസ്ഥാനത്താണെന്ന് .സ്ത്രീകളുടെ മാനസികാവസ്ഥ എന്തായിരിക്കും എന്നും,എങ്ങനെ ജീവത്തോടൂ പ്രതീകരിക്കും എന്നതിനു,ശരിയായ ഉത്തരം ആരുക്കും തരാൻ സാധിക്കും എന്നു തോന്നുന്നില്ല.എല്ലാ മനുഷ്യരുടെയും ജീവിതത്തിൽ ദു:ഖപര്യവസായി സംഭവങ്ങൾക്ക് അടിമപ്പെട്ടുകിടക്കുന്നു. സഹകരിക്കാൻ മാനസ്സില്ലാത്തെ ഭാര്യയോടു ഭർത്താവു ചെയ്യുന്നതും ബലാൽക്കാരം അല്ലെ?

തന്നിലും ഉയർന്ന മാനസമ്മാനങ്ങൾ കൊടുത്താൽ കൈവിട്ടു പോകുന്നത് സ്വന്തം സ്ഥാനം ആണെന്ന അപകർഷാബോധം മാത്രമല്ലെ ഇത്? ജയാനൻ വിൻസെന്റ് , വിവിധ ഭാഷകളികെ സിനിമകളിലൂടെ,ഇന്ധ്യയിലെ അറിയപ്പെടുന്ന ഒരു മുൻ നിരസിനിമാറ്റോഗ്രാഫർ ആണ്.ഹിന്ദു ദിനപ്പത്രം അത്യഭൂതായ ക്യാമറ ചാതുര്യത്തെ മുൻനിർത്തി അദ്ദേഹത്തെ ഇൻഡ്യയുടെ “എയ്സ് ലെൻസ് മാൻ’ എന്നാണ് വിശേഷിപ്പിച്ചത്. അദ്ദേഹത്തിന്റെ അഭിപ്രായത്തിൽ സിനിമാലോകം സ്ത്രീകൾക്ക് വളരെ സെയ്ഫ് ആണ്.എന്നാൽ കാസ്റ്റിം കൌച്ച് എന്നത് തികച്ചു വ്യത്യസ്ഥമായ ഒരു സംഗതിയാണ്.സ്ത്രീകളെ ദൈവമായി കണ്ട് പൂജിക്കുന്ന ഈ രാജ്യത്ത് ബലാക്കാരം ചെയ്യപ്പെടുന്ന സ്ത്രീ,ദൈവത്തിന്റെ പ്രതിരൂപം അല്ലാതായിത്തിരുമൊ?

എവിടെനിന്നുവരും താൽക്കിലികമായ പരിഹാരം? ഇന്നുവേണം പരിഹാരം, കോടതികയറിയിറങ്ങി, വർഷങ്ങൾ കഴിഞ്ഞാലും,മനസ്സും ചെരുപ്പും തേഞ്ഞുമാഞ്ഞ്, ജീവിതം തീരുന്ന കാലത്തല്ല!! ഒരു സീനിയ അഭിഭാഷകനായ ,ജോർജ്ജ് കോശിയുടെ അഭിപ്രായത്തിൽ Adv. George Koshy സ്തീകൾക്കായി ഗവണ്മെന്റ് പലതരം ദീർഘദർശിയായ പരിഹാരമാർഗ്ഗങ്ങൾ നിർദ്ദേശിക്കപ്പെട്ടു കഴിഞ്ഞു. ഉത്തർപ്രദേശ്ഒരു വിക്റ്റിം കോംബൻസേഷൻ സ്കീം ‘കൊണ്ടുവന്നു കഴിഞ്ഞു. അതിൻപ്രകാരം,ഇത്തരം ഹിംസകൾക്ക് ഇരയാക്കപ്പെടുന്നവർക്കും അവരുടെ കുടുംബാഗംങ്ങൾക്കും വേണ്ടി സാബത്തിക സഹായങ്ങളും മറ്റു സഹായസഹകരണങ്ങളും ചെയ്തുകൊടുക്കുവാൻ വേണ്ടിയുള്ളതാണ് ഈ നിയമം. ഇത്തരം ആപത്തുകൾ നേരിട്ടവരുടെ കൂട്ടത്തിൽ,
ബലാസംഗം,ആസിഡ് ഒഴിച്ചുകത്തിക്കപ്പെട്ടവർ, ജോലിതേടിപ്പോയിചതിക്കപ്പെടുന്നവർ എല്ലാം തന്നെ ഉൾപ്പെടുന്നു.

രാജേശ്വരി അശോക് മസ്കറ്റിൽ ഒമാൻ എയറിൽ ജോലിചെയ്യുന്നു,അതുമാത്രമല്ല ഒരു ജേർണലിസ്റ്റായും ഇവർ ജോലിചെയ്തിട്ടുണ്ട്.ഇന്നത്തെ കാലത്തുപോലും, ബലാത്സംഗച്ചെയ്യപ്പെടുന്ന ഏതൊരു സ്ത്രീക്കും, കുടുംബത്തിന്റെയോ സുഹൃത്തുക്കളുടെയോ സഹായസഹകരണങ്ങളോ സഹായമോകിട്ടുന്നില്ല. സ്ത്രീകളുടെതല്ലാത്ത ഒരു തെറ്റിനുകാരണമായിം,വളരെ പൈശാചികമായ ഒരു മാനസികാവസ്ഥയിലുള്ള മനസ്സിനെ ശാന്തമായി,ദയയോടെ ഇടപെടുന്നതിനുപകരം, നികൃഷ്ടമായി ചോദ്യംചെയ്യപ്പെടുന്നു.ഇതൊന്നും സ്വന്തം ബന്ധുക്കളിൽ നിന്നോ സുഹൃത്തുക്കളിൽ നിന്നു കിട്ടുന്നില്ല എങ്കിൽ അവ സ്വയം കണ്ടെത്തി സധൈര്യം ,തലയുയർത്തി നടക്കാനുള്ള മാസസികാവസ്ഥ ഉണ്ടാക്കിയെടുക്കണം. ശരിയായ മരണം വരുന്നതുവരെ,ജീവിച്ചു മരിക്കുന്ന അവസ്ഥ… അതാണ് ബലാത്സംഗത്തിന്റെ അനുഭവത്തിൽ ഉണ്ടകുന്നത്.

ഒരു കുറുപ്പടി:-സൈക്കോളജിസ്റ്റും,പ്രൊഫസ്സറും,സ്ഥിരോത്സാഹിയായ ബ്ലോഗർ കൂടിയായ ഡോക്ടർ മത്തായി ഫെൻ പറയുന്നത്,ബലാത്സംഗത്തിന്റെ ഇരയുടെ മാനസികാവസ്ഥയിൽ ഒരു ഫിലോസഫിയും വിലപ്പോകില്ല. നമ്മളെ സ്നേഹിക്കുകയും മനസ്സിക്കുയും ചെയ്യുന്നവരുടെ കൂടെ ജീവിക്കുക,നമുക്ക് നമ്മളെ സ്വയം സ്നേഹിക്കാൻ തുടങ്ങുന്നിടം വരെ.സമൂഹത്തിന്റെ താറടിച്ച സദാചാരബോധം ,ഇത്തരം സ്ത്രീകളെ കളങ്കപ്പെട്ടവരും നികൃഷ്ടരുമായി വരച്ചുകാട്ടുന്നത്.ഒരു പക്ഷെ ഏതെങ്കിലും ഒരു കാലത്ത് ഈ സദാചാരബോധം കാറ്റിൽപ്പറത്തി തനിക്ക് സ്വയം സ്നേഹിക്കാൻ കഴിയുന്ന ആരെയും സ്വീകരിക്കാൻ അവർ തയ്യാറായെന്നു വരും.

ശിങ്കാരിമേളം- മസ്കറ്റിലെ പെണ്ണുങ്ങളെ കണ്ടുക്ക’

Posted on Categories KanmashiLeave a comment on ശിങ്കാരിമേളം- മസ്കറ്റിലെ പെണ്ണുങ്ങളെ കണ്ടുക്ക’

Oct 16 Shingarimelam

റേഡിയോ1152 AM ന്റെ ‘അംഗന” സ്ത്രീസംഘടനയുടെ യോഗത്തിന്റെ ഏറ്റവും നല്ല ഹൈലൈറ്റ് ആയിയിരുന്നു വിജി സുരേന്ദ്രന്റെ നേതൃത്വത്തിൽ നടന്ന ഫ്യൂഷൻ ശിങ്കാരിമേളം. ഈ നൂതനപരീക്ഷണവുമായി മൂന്നുവർഷങ്ങൾക്ക് മുൻപ് എത്തിയ വിജിയും സംഘവും ഇന്ന് മസ്കറ്റിലെ സ്റ്റേജുകളിൽ ശ്രദ്ദേയരാണ്. മസ്കറ്റ് പഞ്ചവാദ്യമേള സംഘത്തിന്റെ ഭാഗമായ ഈ ശിങ്കാരി മേളക്കാർ ശ്രീ. തിച്ചൂർ സുരേന്ദ്രൻ ആണ് തങ്ങളുടെ ഗുരു എന്നും അഭിമാത്തൊടെ പറയുന്നു.
കേരളത്തിൽ പ്രചാരമുള്ള ഒരു ചെണ്ടമേളമാണ് ശിങ്കാരിമേളം. മറ്റു മേളങ്ങളെപ്പോലെ ശാസ്ത്രീയപരിവേഷമില്ലെങ്കിലും ഉൽസവങ്ങൾ, സ്വീകരണങ്ങൾ, ഘോഷയാത്രകൾ, പരസ്യം എന്നിവയിൽ വ്യാപകമായി കണ്ടുവരുന്നു. ചെണ്ടയുടെ ഇടന്തലക്കും വലന്തലക്കും പുറമേ, ഇലത്താളവുമാണ് ഈ മേളത്തിലുപയോഗിക്കുന്ന വാദ്യോപകരണങ്ങൾ. ദ്രുതതാളത്തിൽ വാദ്യോപകരണങ്ങൾ വായിക്കുന്നതിനോടൊപ്പം, മേളക്കാർ പല രീതികളിൽ അണിനിരന്നും, ചെറിയ ചുവടുകൾ വച്ചും, കാണികളെ രസിപ്പിക്കുന്നു. ശിങ്കാരിമേളത്തിൽ ഒരു ശക്തമായി സ്ത്രീ സാന്നിദ്ധ്യം ഇന്ന് പരക്കെ കണ്ടുവരുന്നു. മറ്റു ചെണ്ടമേളങ്ങളിലാവശ്യമായതും ദീർഘമായ സാധനകൊണ്ട് സ്വായത്തമാക്കുന്നതുമായ ഉരുട്ടൽ പോലെയുള്ള വാദനരീതികൾ ആവശ്യമില്ലാത്തതിനാൽ വളരെപ്പെട്ടെന്ന് അഭ്യസിക്കാവുന്ന ഒരു ചെണ്ടമേളമാണ് ശിങ്കാരിമേളം.ഓണാഘോഷങ്ങൾ, ഉത്സവങ്ങൾ എന്നീ പരിപാടിയുടെ ഭാഗമായി വനിത ശിങ്കാരിമേളങ്ങളും മത്സരങ്ങളും ഇന്ന് ധാരാളം കണ്ടുവരുന്നുണ്ട്.

ഗുരുവായ തിച്ചൂർ സുരേന്ദ്രനോടൊപ്പം ആഴ്ചയിൽ 2 ദിവസം വൈകിട്ട് ഒരു മണിക്കൂർ നിരന്തരമായ അഭ്യാസത്തിലൂടെ തഴക്കം വന്നുതുടങ്ങി വിജിയുടെയും കൂട്ടുകാരുടെയും ശിങ്കാരിമേളത്തിനു! എന്നാൽ പ്രോഗ്രാം ഉള്ളപ്പോൾ, ദിവസവും ഒരു മണിക്കൂർ പ്രാക്ടീസ് ചെയ്യാറുണ്ട്. ചെണ്ടമേളത്തിൽ 200 ൽപ്പരം ശിഷ്യന്മാരുള്ള ശ്രീ സുരേന്ദ്രൻ ആശാന്റെ പ്രത്യേകതാൽപര്യത്താൽ വൈകിട്ട് ജോലികഴിഞ്ഞു വന്നശേഷം ആദ്യം ശിക്ഷണം നൽകുന്നത് ഈ സ്ത്രീ ശിങ്കാരിമേളക്കാർക്കാണ്. വിജിയുടെ ഭർത്താവ് കൂടിയാ‍യ ശ്രീ സുരേന്ദ്രനോട് പറഞ്ഞ് വളരെനാളത്തെ ആഗ്രഹത്തിനു ശേഷമാണ് ഇത്തരം ഒരു സ്ത്രീ ശിങ്കാരിമേളത്തിന്റെ ആശയം നടപ്പിലാക്കാൻ സാധിച്ചത് എന്നുകൂടി സ്ന്തോഷത്തോടെ വിജി പറഞ്ഞു. നിരന്തരമായ അഭ്യാസവും വഴക്കവും ആവശ്യമുള്ള ഒന്നാണ് ചെണ്ടമേളം, കൂടെ നല്ല ആരോഗ്യവും അത്യാവശ്യമാണ്. ഏകദേശം 11 കിലോയോളം ഭാരമുള്ള ഈ ചെണ്ട തോളിലേറ്റി കൊട്ടാനും അതിനൊപ്പം സ്വയം താ‍ളം ചവിട്ടി അൽപ്പമൊന്നാ‍ടി കൊട്ടാനും , നല്ല ആരോഗ്യം തന്നെ വേണം , തീർച്ച!

ഈ സ്ത്രീ ശിങ്കാരിമേളക്കാരിൽ ചിലർ മസ്കറ്റിൽ ജോലിചെയ്യുന്നവരും ആണ്. ജോലികഴിഞ്ഞ് വന്ന് വീട്ടുകാര്യങ്ങളും ഒക്കെ നോക്കി കൂടെ ദിവസവും വൈകിട്ട് പ്രാക്റ്റീസും ചെയ്തുകൊണ്ടിരിക്കുക എന്നത് ചെറിയകാര്യം അല്ല. നാടകം ,ഡാൻസ് എന്നിവയിൽ പ്രാവീണ്യം ഉള്ളവരാണ് ഈ സംഘത്തിലുള്ള മിക്കവരും. അവരുടെ താല്പര്യം മനസ്സിലാക്കി കുറെനാളത്തെ അഭ്യാസത്തിലൂടെ ഇന്ന് ഇവർക്കെല്ലാംതന്നെ നല്ല തഴക്കം വന്നിരിക്കുന്നു. ഭാവിപരിപാടികൾക്കൊപ്പം , പ്രത്യേകിച്ച് ഗൾഫ് രാജ്യത്ത് ശിങ്കാരിമേളം സ്ത്രീകൾക്കും ചെയ്യാം എന്നും മറ്റുള്ളവരെ അറിക്കുക എന്നതും വിജിയുടെയും റ്റീമിന്റെയും സദുദ്ദേശം ആണ്. മസ്കറ്റിൽ പഞ്ചവാദ്യക്കാരുണ്ടായിട്ട് ഏതാണ്ട് 15 വർഷത്തോളം ആയി. എന്നാൻ കഴിഞ്ഞ മൂന്നുവർഷമായി സ്ത്രീകളുടെ ശിങ്കാരിമേളം സംഘം രൂപപ്പെട്ടിട്ട്, എങ്കിലും ഇന്നും പലർക്കും അറിയില്ല എന്നു തന്നെയാണ് വിജി പറയുന്നത്! ആദ്യമൊക്കെ ദൂരേക്ക് പോകാനൊക്കെ പരിമിതികൾ ഉണ്ടായിരുന്നു, അതുകാരണം മസ്കറ്റ് മാത്രം കേന്ദ്രീകരിച്ചായിരുന്നു സ്റ്റേജ് ഷോകൾ ഏറ്റെടുത്തിരുന്നത്. എന്നാൽ ഇന്ന് ഒമാന്റെ തന്നെ പലഭാഗത്തായി പ്രോഗ്രാമിനു പോകാനും, ജി സി സി മുഴുവനും തങ്ങളുടെ ഈ സ്ത്രീ ശിങ്കാരിമേളത്തെക്കുറിച്ച് പ്രചരിപ്പിക്കാനും വിജിയും കൂട്ടുകാരും പ്രത്യേകതാല്പര്യം എടുത്തു തുടങ്ങി. ഇത്തരം പരിപാടികൾക്കും പ്രോഗ്രാമുകൾക്കുമായി പോകാനും മറ്റും കുടുംബത്തിന്റെ അനുവാദവും, പ്രചോദനവും ഈ സ്ത്രീകൾക്കുണ്ട് എന്ന കാര്യത്തിൽ സംശയമില്ല!
പ്രവാസി കൂട്ടായ്മയായ മസ്കറ്റ് മലയാളിയുടെ സംയുക്‌താഭിമുഖ്യത്തിൽ സംഘടിപ്പിച്ച ‘നാരിയം’ എന്ന പരിപാടിയിൽ ആണ് വിജിയും സംഘവും ഒമാനിലെ സ്ത്രീശിങ്കാരിമേളത്തിന്റെ അരങ്ങേറ്റം നടത്തി തങ്ങളുടെ സാന്നിദ്ധ്യം തെളിയിച്ചു. വിജി സുരേന്ദ്രൻ, ശ്രീവിദ്യ രവീന്ദ്രൻ, നിഷ പ്രഭാകരൻ, സജിത വിജയകുമാർ, സുധ രഘുനാധ്, വിസ്മയ പ്രഭാകരൻ, വീണ കലേഷ്, ലത പ്രദീപ്, ശ്രയ വിജയകുമാർ എന്നീ ഒൻപതു സ്തീകളുടെ ശിങ്കാരിമേളം ആണ് ഇന്നുള്ളത്. ഈ കൂട്ടായ്മയ താല്പര്യമുള്ളവരെ ചേർത്ത് ഒന്നു കൂടി മേളക്കൊഴുപ്പോടെ ഒമാനിലെ സ്റ്റേജുകളിൽ തകർത്തു കൊട്ടിയാഘാ‍ഷിക്കാൻ വിജിയും സംഘവും തയ്യാറെടുക്കുന്നു.

ആശാൻ ശ്രീ. സുരേന്ദന്റെ അടിക്കുറിപ്പ്:‌- മേളം അവതരിപ്പിക്കുന്നതിന് കുറഞ്ഞത് മൂന്നുപേരങ്കിലും വേണം. സാധാരണയായി ഒമ്പതോ പതിനഞ്ചോ ഇരുപത്തിയൊന്നോ പേരടങ്ങുന്ന സംഘങ്ങളായാണ് ശിങ്കാരിമേളം അവതരിപ്പിക്കപ്പെടുന്നത്. വടക്കൻ കേരളത്തിൽ പ്രചാരമുള്ള ചെട്ടിക്കൊട്ട് എന്ന വാദ്യകലയിൽ നിന്നാണ് ശിങ്കാരിമേളം ഉണ്ടായതെന്ന് പറയപ്പെടുന്നു. മറ്റു ചെണ്ടമേളങ്ങളിലാവശ്യമായതും ദീർഘമായ സാധനപോലെയുള്ള വാദനരീതികൾ ആവശ്യമില്ലാത്തതിനാൽ വളരെപ്പെട്ടെന്ന് അഭ്യസിക്കാവുന്ന ഒരു ചെണ്ടമേളമാണ് ശിങ്കാരിമേളം. ഓരോ സംഘങ്ങളും സ്വയം ആവിഷ്കരിച്ചെടുക്കുന്ന പല രീതികൾ ശിങ്കാരിമേളത്തിലുണ്ട്. പൊതുവേ പഞ്ചാരി താളത്തിലാണ് ഈ മേളങ്ങൾ ചിട്ടപ്പെടുത്താറുള്ളത് എന്ന് ശ്രീ. സുരേന്ദ്രൻ പറയുന്നു. മറ്റു ചെണ്ടമേളങ്ങളിലെപ്പോലെ താളത്തിന് കൃത്യമായ കാലനിയമങ്ങൾ ശിങ്കാരിമേളത്തിലില്ല.ഒരു പ്രത്യേക കാലത്തിൽ ആരംഭിച്ച്, മേളക്കാരന്റെ നിർദ്ദേശമനുസരിച്ച് ക്രമേണ താളം മുറൂകുകയാണ് ചെയ്യുക.

ടോസ്മാസ്റ്റേഴ്സിലെ ‘ഗാവലിയർ‘ സുന്ദരിമാർ

Posted on Categories KanmashiLeave a comment on ടോസ്മാസ്റ്റേഴ്സിലെ ‘ഗാവലിയർ‘ സുന്ദരിമാർ

WhatsApp Image 2017-10-17 at 9.35.17 AM

റെജി കളത്തിലിന്റെ സന്ദേശം ഇത്തരം ഒരു ദിശയിലേക്ക് എന്നെതിരിച്ചുവിടും എന്ന് പ്രതീക്ഷിച്ചിരുന്നില്ല! “ഞങ്ങളുടെ ഗാവലിയേഴ്സ് കുട്ടികൾക്ക് ഒരു അസ്സൈൻമെന്റ് കൊടുത്തിട്ടുണ്ട് സപ്ന, ഒരു വ്യക്തിയുടെ പ്രോഫൈൽ തയ്യാറക്കാൻ, എന്നാൽ അവർ ആരാണെന്നോ എന്താണെന്നോ പറഞ്ഞിട്ടില്ല. കാരണം നിങ്ങളെ പരിചയപ്പെട്ടുകഴിഞ്ഞ് , വിളിച്, സ്വയം അപ്പോയിന്മെന്റ് എടുത്ത്, വന്നുകാണട്ടെ! ഒരു മുൻകൂർ തയ്യാറെടുപ്പിന്റെ ആവശ്യം അവിടെ വരുന്നില്ലോ, അവർ ധൈര്യമായി ചെയ്യട്ടെ! ഈ വരുന്ന കുട്ടികൾ ഒരു പുതിയ ബാച്ച് ആണ്. ഈ അഭിമുഖം അവരുടെ “ ഗാവൽലിയർ “ ആകാനുള്ള ഒരു എന്റ്രി ഫോം കൂടിയാണ്!”
റ്റോസ്റ്റ് മാസ്റ്റേഴ്സ് എന്ന് വർഷങ്ങളുടെ കേട്ടുകേഴ്വി, അതിലെ പ്രഗൽഭരായ ശ്രീ സോണി വർഗീസ്,ഖത്തർ/ ഒമാനിലെ അജയ്കുമാർ പിള്ള/ ഉമ നായർ/ശ്രീ. ശ്രീകുമാർ പൈ ,ജോർജ്ജ് തോമസ് എന്നിവരുടെ സ്വഭാവത്തിലെ വ്യക്തമായ വാക്ചാതുര്യം, മാനസികപക്വത ,ആത്മവിശ്വാസം എന്നിവ പണ്ടേ അറിയാമായിരുന്നു. അവരോടുതന്നെ ചോദിച്ചറിഞ്ഞ വിവരങ്ങളും, വ്യക്താമായി വിഷയങ്ങൾ പറഞ്ഞു മനസ്സിലാക്കാനുള്ള കഴിവും റ്റോസ്മാസ്റ്റർ ക്ലബ്മായുള്ള സംസർഗ്ഗത്തിലും, ഇടനിലങ്ങളിലൂടെയും ആണ് വന്നത് എന്നവർതന്നെ സമ്മതിച്ചുതരുന്നു. വിദ്ധ്യാഭ്യാസ യോഗ്യതയും, എഞ്ചിനീയർ, ഡോക്ടർ, ചാർട്ടേർഡ് അക്കൌണ്ടറ്റ് എന്നിങ്ങനെയുള്ള ജോലികളിലെ അനുഭവപരിജ്ഞാനം ഒരു വലിയ നേട്ടം തന്നെയാണ്. എന്നിരുന്നാലും ധൈര്യം, വാക്ചാതുര്യം, വ്യക്തമായി കാര്യങ്ങൾ അവതരിപ്പിക്കാനുള്ള കഴിവ് ഇതെല്ലാം സ്വയം പരിശീലിച്ച് വർദ്ധിപ്പിച്ചെടുക്കാൻ റ്റോസ്റ്റ്മാസ്റ്റേഴ്സ് സംഘട വളരെയധികം സഹായിച്ചിട്ടുണ്ട് എന്ന് എല്ലാവരും ഒരേ സ്വരത്തിൽ അടിവരയിട്ടു പറയുന്നു.
അതിനോടൊപ്പം കുട്ടികളുടെയും ഒരു വിഭാഗം ‘ഗാവൽ ക്ലബ്’ എന്ന പേരിൽ തുടങ്ങി. അതിലും പതിന്മടങ്ങ് പ്രയൊജനങ്ങളായിരുന്നു കുട്ടികൾക്ക് ലഭിച്ചത്!വലിയവർക്കൊപ്പം ചേരാനുള്ള പ്രായം, അർഹതക്കുറവ് എന്നിവ കുട്ടികളെ നിരുത്സാഹരാക്കാതെ അവർക്കായി പ്രത്യേക പഠനവിഷയങളുടെ മാനുവൽ, റ്റോസ്റ്റ്മാസ്റ്ററിന്റെ ഔദ്യൊഗിക നിബന്ധനകൾ പാലിച്ചുകൊണ്ടും കുട്ടികൾ “ഗാവലിയേഴ് എന്നപേരിൽ സമ്മേളിച്ചു തുടങ്ങി.
ഇൻഡ്യൻ സ്കൂൾ അൽ ഗുബ്രയിലെ റ്റീച്ചർ ആയ ,റ്റോസ്റ്റ്മാസ്റ്റർ രെജിബ നൌഷാദിന്റെ കാഴ്ചപ്പാടിൽ , ആത്മവിശ്വാസം കുട്ടികളിൽ, പ്രത്യേകിച്ച് പെൺകുട്ടികളിൽ വളർത്താൻ ‘ഗാവൽ ക്ലബ്ബിൽ ചേർക്കുന്നത് വളരെ നന്നായിരിക്കും. കുട്ടികൾ അവർ തയ്യാറാക്കുന്ന പ്രസംഗങ്ങളും മറ്റും കുട്ടികൾ തന്നെയാണ് മാർക്കിടുന്നതും വിലയിരുത്തുന്നതും. അപ്പപ്പോൾ കിട്ടുന്ന അവലോകനങ്ങളും നിർദ്ദേശങ്ങളും, അപ്പോൾത്തന്നെ സ്വയം വിലയിരുത്താനും തിരുത്തലുകൾ നടത്താനും കുട്ടികളെ സഹായിക്കുന്നു. അന്താരാഷ്ടമൂല്യമുള്ള സർട്ടിഫിക്കെറ്റുകൾ അവരുടെ ഭാവി തൊഴിൽ ഉദ്യമങ്ങൾക്കും മറ്റും വളരെ പ്രയോജനം ചെയ്യുന്നു. റ്റോസ്റ്റ്മാസ്റ്റർ ഇന്റർനാഷനലിന്റെ അതെ രീതിയിൽ , ഒരുമിച്ചുതന്നെയാണ് ഗാവൽ ക്ലബും നടത്തിവരുന്നത്.

മസ്കറ്റ് ഗാവൽ ക്ലബിന്റെ ഉത്തരവാദിത്വമുള്ള ആൾ എന്ന നിലയിൽ റെജി കളത്തിലിന്റെ കാഴ്ചപ്പാടിൽ ഈ കുട്ടികളെക്കുറിച്ചുള്ള ഒരു എഴുത്ത്, പരാമർശങ്ങൾ അവർക്ക് വളരെയധികം പ്രചോദനം നൽകും.“ സപ്നയെക്കുറിച്ചുള്ള ഒരു ചെറിയ പരിചയപ്പെടുത്തലിന്റെ ഭാഗമായി ഞാൻ ചോദിച്ചത് ഭാവിയിൽ എത്രപേർക്ക് പത്രപ്രവർത്തകരാകാൻ തല്പര്യം ഉണ്ട് എന്നാണ്! എന്നാൽ ആരുംതന്നെ മുന്നോട്ടുവന്നില്ല എന്നത് സംങ്കടം തന്നെ. എന്നാൽ ഇത്തവണത്തെ വൈ. എൽ. പി. (യൂത്ത് ലീ‍ഡർഷിപ് പ്രോഗ്രാം) കഴിയുംബോൾ കുട്ടികളുടെ ചിന്താഗതിക്ക് മാറ്റം വരും എന്നുതന്നെ വിശ്വസിക്കാം. പ്രത്യേകിച്ച് ഗാവൽ ക്ലബ് മുൻ തൂക്കം കൊടുക്കുന്നത് പെൺകുട്ടികൾക്കാണ്. കുട്ടികളെകൊണ്ട് ചേർക്കുന്നതിൽ രക്ഷിതാക്കളും പെൺകുട്ടികൾക്കാണ് പ്രേരണ നൽകുന്നത് എന്ന് വ്യക്തമാണ്. വൈ. എൽ. പി. യിൽ പ്രസിഡെന്റ്, വൈസ് പ്രസിഡേന്റ്, സെക്രട്രി എന്നിവരെല്ലാം തന്നെ പെൺകുട്ടികളാണ്. 12 മുതൽ 18 വരെയുള്ള കുട്ടികൾക്കുവേണ്ടിയുള്ളതാണ് ഗാവൽ ക്ലബ്. അതിൽ അവർക്കായി മെന്റർ, അഡ്വൈസർ മാരുടെ റ്റോസ്റ്റ്മാസ്റ്ററിൽ നിന്നുതന്നെ എന്ന് റെജി പറഞ്ഞുതന്നു. റെജിയുടെ കാഴ്ചപ്പാടിൽ അത്മവിശ്വാസം ഉണ്ടാകേണ്ട്തിന്റെ ആവശ്യത്തെ മനസ്സിലാക്കാനും, അതനുസരിച്ച് വ്യത്യാസങ്ങൾ സ്വയം വരുത്താനും പെട്ടെന്നുതന്നെ തയ്യാറാകുന്നത് ആൺകുട്ടികളെ അപേക്ഷിച്ച് പെൺകുട്ടികൾ ആണ്.

ഒരു അഭിമുഖം ചെയ്യാനായി എന്നെക്കാണാൻ ഗാവലിയേഴ് ആകാൻ തയ്യാറെടുക്കുന്ന നോവ ജോൺസൺ, സ്പന്ദന സുദീപ്, സമീക്ഷ സുദീപ്, അലീന ജാസ്മിൻ എന്നിവരും കൂടെ കൂട്ടായി ജുനൈദ് ഫൈസൽ, അതുൽ ബി നായർ എന്നീ രണ്ട് ആൺകുട്ടികളും എത്തി. അതുൽ തന്റെ കാനൺ ക്യാമറയിൽ ചിത്രങ്ങൾ എടുത്തുകൊണ്ടിരുന്നു. പെൺകുട്ടികൾ വീടിന്റെ ചുവരിലെ ചിത്രങ്ങളും,എന്റെ വീട്ടിൽ ധാരാളം ഉള്ള വളത്തുമൃഗങ്ങളും അവരുടെ ആദ്യത്തെ അറച്ചറച്ചുള്ള ചോദ്യങ്ങൾക്ക് ഒരു ആശ്വാസം നൽകി. എന്റെ പുസ്തകങ്ങൾ എന്നെഴുതിത്തുടങ്ങി എന്നൂം, എല്ലാവർക്കും എഴുതാൻ സാധിക്കുമോ എന്നു, ആദ്യം മാം എന്താണ് എഴുതിത്തുടങ്ങിയത് എന്നും, അവാർഡുകൾ എന്തൊക്കെ കിട്ടി എന്നും ഉള്ള ചോദ്യങ്ങൾക്കിടയിലും ഒരു തുടക്കക്കാരുടെ ചാപല്യങ്ങൾ ഉണ്ടായിരുന്നു. എന്നാൽ വന്നിരുന്ന് ആവശ്യമുള്ള കാര്യങ്ങൾ എഴുതുയെടുത്തു തുടങ്ങിയപ്പോഴും എന്റെ കൂടെയുള്ള ഒരു സെൽഫി ചിത്രത്തിനുള്ള തയ്യാറെടുപ്പും ആദ്യത്തെ സങ്കോചത്തെ ഇല്ലാതാക്കി! ധൈര്യത്തോടെ അവർ എന്നോട് ചോദ്യങ്ങൾ ചോദിച്ചു തുടങ്ങി. അതിനൊപ്പം, സ്കൂൾ കുട്ടികളുടെ ചാതുര്യങ്ങളും, കൺകൊണിണകും, ചെറിയ പിച്ചലുകളും ,തട്ടുകളും മുട്ടുകളും ഉണ്ടായിരുന്നു എങ്കിലും അവരുടെ മനസ്സിന്റെ ധൈര്യം വ്യക്തമായിരുന്നു. എഴുതിയെടുക്കണം എന്നും , ചോദ്യങ്ങൾ വ്യക്തമായിരിക്കണം എന്നും, വിഷയം ജേർണലിസം ആണ് എന്നും പറഞ്ഞിട്ടുണ്ട് എങ്കിൽ പോലും, അവരവരുടെതായ ചോദ്യങ്ങൾ അവർ സ്വയം തയ്യാറാക്കുകയായിരുന്നു, അവിടെ അന്നേരം എന്നത് പ്രത്യക്ഷത്തിൽ കാണാമായിരുന്നു.

വ്യക്തിത്വത്തിനു കൊടുക്കുന്ന ധൈര്യം, മനസ്സിനു നൽകുന്ന അഭിപ്രായ സ്വാതന്ത്ര്യം, എന്തായിത്തീരണം എന്ന് കുട്ടികൾക്ക് സ്വയം മനസ്സിലാക്കാനും, തിരഞ്ഞെടുക്കാനും ഉള്ള തയ്യാറെടുപ്പുകൾ എന്നിവയൊക്കെ ഗാവൽ ക്ലബ്ബിൽ പ്രാമുഖ്യം കൊടുക്കുന്നു. അഭിമുഖങ്ങൾ, വിഷയങ്ങളുടെ ചർച്ചകൾ എന്നിവ കുട്ടികളെ തങ്ങളുടെ അഭിപ്രായങ്ങളും ചിന്താഗതികളും സ്വയം മനസ്സിലാക്കാൻ സഹായിക്കുന്നു. കൂടാതെ 12 വയസ്സുമുതൽ ചേർന്ന് ആഴ്ചയിൽ ഒരു ദിവസം ഇതിന്നായി ചിലവിടുബോൾ കുട്ടികളും കാഴ്പ്പാടുകളിൽ തന്നെ ആത്മവിശ്വാസം വർദ്ധിക്കുന്നു. ഗൾഫ് മേഘലയിൽ ഉള്ള ഗാവൽ ക്ലബുകളുടെ ഒരു വ്യത്യാസം, ജോലിചെയ്യുന്ന മാതാപിതാക്കൾ കുട്ടികൾക്കു വേണ്ടി ,അവർക്കൊപ്പം വന്നിരിക്കാനും, കൊണ്ടുവിടാനും മറ്റും ഉത്സാഹം കാണിക്കുന്നതിനാൽ മാത്രമാണ് നന്നായി ഈ പ്രവത്തനങ്ങൾ നടക്കുന്നത്. നാട്ടിൽ പഠിക്കുന്ന കുട്ടികളുടെ ഒരു യാത്രാ സ്വാത്രന്ത്ര്യം ഇവിടെയില്ല എന്നത് ഒരു അപാകത തന്നെയാണെങ്കിലും അതിനെ മറികടക്കാൻ മാതാപിതാൾ കാണിക്കുന്ന ഉത്സാഹം പ്രശംസനീയം തന്നെ.

ഒരു കുറിപ്പടി:- എന്താണ് ആത്മവിശ്വാസം? സ്വന്തം കഴിവുകളിൽ, തന്നോടുതന്നെയുള്ള പൂർണ്ണവിശ്വാസമാണത്. ”മനക്കരുത്തിന്റെ ഉറവിടവും വിജയത്തിന്റെ രഹസ്യവും ആത്മഹർഷത്തിന്റെ ഖനിയുമാണ് ആത്മവിശ്വാസം”. നമ്മൾ കണ്ടുമുട്ടുന്ന ആളുകള്‍ക്ക് , ആത്മവിശ്വസത്തോടെയുള്ള ചെറുപുഞ്ചിരി നൽകാനാണ് ‘ഗാവൽ ക്ലബിൽ‘ നമ്മുടെ പെൺകുട്ടികളെ പരിശീലിപ്പിക്കുന്നത്.