Subscribe Now !

×

Subscribe to receive updates each week, plus get exclusive content, only available to those on my mailing list.

രസവാല മസാല, പൂരി

Posted on Format AsideCategories Food & HealthLeave a comment on രസവാല മസാല, പൂരി


http://www.marunadanmalayali.com/column/salt-and-pepper/salt-and-pepper-86405

poorireceipepic1

പൂരി – ആവശ്യമുള്ള സാധനങ്ങൾ

പൂരി – ആവശ്യമുള്ള സാധനങ്ങൾ
· ഗോതബ് പൊടി- 2 കപ്പ്
· ഉപ്പ്-1/2 ടീ.സ്പൂൺ
· വെള്ളം- കുഴക്കാൻ
· എണ്ണ- വറുക്കാൻ

രസവാല മസാല – ആവശ്യമുള്ള സാധനങ്ങൾ

· ഉരുളക്കിഴങ്ങ്-2 വേവിച്ച് ,ഉടച്ചത്
· തക്കാളി-1 കൊത്തിയരിഞ്ഞത്
· പച്ചമുളക്-2 കൊത്തിയരിഞ്ഞത്

· കരിവേപ്പില-2 തണ്ട്

· ജീരകം-½ ടീ.സ്പൂൺ

· കടുക്-½ടീ.സ്പൂൺ

· ഉലുവ-¼ ടീ.സ്പൂൺ
· കായം-1നുള്ള്
· മഞ്ഞപ്പൊടി-¼ടീ.സ്പൂൺ
· മുളക്പൊടി½ ടീ.സ്പൂൺ
· ഗരം മസാല-1ടീ.സ്പൂൺ
· ഉപ്പ്- പാകത്തിന്
· എണ്ണ-2ടേ.സ്പൂൺ

അലങ്കരിക്കാൻ

· മല്ലിയില
· നാരങ്ങ കഷണങ്ങൾ

poorireceipepic2

പാകം ചെയ്യുന്ന വിധം

പൂരി

വെള്ളവും ഉപ്പും ഗോതംബ് പൊടിയും തരുതരുപ്പായി കുഴച്ച് ഉരുളയാക്കി അല്പനേരം നനഞ്ഞ തുണി ചുറ്റി,അടച്ചുവെക്കുക. ശേഷം നന്നായി ഇടിച്ചു കുഴച്ച്, തരി ഇല്ലാതെ മയപ്പെടുത്തി എടുക്കുക . നാരങ്ങ വലിപ്പത്തിലുള്ള ഒരുളകളാക്കി പരത്തി വെക്കുക. ഏണ്ണ ചൂടാക്കി അതിലേക്ക് ഒരോ പരത്തിയ പൂരിയും ഇട്ട് നടുക്ക് തവികൊണ്ട് പൂരി പതുക്കെ ഏണ്ണയിലേക്ക് താത്തു പിടിച്ചാൽ നന്നായി പൊങ്ങിവരും. രണ്ടു വശവും  അൽപ്പം ബ്രൗൺ നിറം ആകുന്നിടം വരെ വറുത്ത് ,ഒരു റ്റിഷ്യു പേപ്പറിലേക്ക് മാറ്റിവെക്കുക.

രസവാല മസാല

ഉരുളക്കിഴങ്ങ് പുഴുങ്ങി ഉടച്ചുവെക്കുക. ഒരു ഫ്രയിങ് പാനിൽ അല്പം എണ്ണ ഒഴിച്ച് കടുക് പൊട്ടിക്കുക, കൂടെ ഉലുവയും ജീരകും ഇടുക, ഒന്നു ഇളക്കി വഴറ്റുക. ഒപ്പം കരിവേപ്പിലയും പച്ചമുളകും ഇട്ടു വഴറ്റുക. അതിലേക്ക് മഞ്ഞൾപ്പൊടി, മുളക്പൊടി ഇട്ട് ഇളക്കി അരിഞ്ഞുവെച്ചിരിക്കുന്ന റ്റൊമാറ്റൊയും ഇട്ട് വഴറ്റി ഉടക്കുക. റ്റൊമാറ്റൊ നന്നായി വഴറ്റി ഉടഞ്ഞു കഴിഞ്ഞാൽ ഉടച്ച ഉരുളക്കിഴങ്ങും ചേർത്ത് ഇളക്കിച്ചേർക്കുക. അതിലേക്ക് അൽപം ഗരം മസാലയും ചേർത്തിളക്കി ആവശ്യത്തിനു വെള്ളം ചേർത്ത് ഒന്ന് തിളക്കാൻ അനുവദിക്കുക. തീ കെടുത്തി അരിഞ്ഞുവെച്ച മല്ലിയില ചേർത്തിളക്കി,ഉപ്പും മസാലയുളെ അളവ് രുചിച്ചു നോക്കി,വിളംബാനുള്ള പാത്രത്തിലേക്ക് മാറ്റുക.

ഒരു കുറിപ്പടി:-കൊത്തിഅരിഞ്ഞ ഇഞ്ചികൂടി ചേർത്തിളക്കി,വഴറ്റി മറ്റൊരു രുചിയിലും ഈ മസാല തയ്യാറാക്കാം.ഇതേ മസാലയിലേക്ക് പച്ചപട്ടാണീ(ഗ്രീൻപീസ്) വേവിച്ചു ചേർത്താൽ ചപ്പാത്തിക്കായിട്ടുള്ള ഒരു കറിയായും ഇതിനെ മാറ്റിയെടുക്കാം.

പത്തിരി

Posted on Format AsideCategories Food & HealthLeave a comment on പത്തിരി

http://www.marunadanmalayali.com/column/salt-and-pepper/pathiri-62739

ആവശ്യമുള്ളവ

· പത്തിരിപ്പൊടി – 1 കപ്പ്

· വെള്ളം – 2 ½ കപ്പ്

· ഉപ്പ് – പാകത്തിന്

· നെയ്യ്- 1 ടീ.സ്പൂൺ


തയ്യാറാക്കുന്നവിധം

ഒരു വലിയ വാവട്ടം ഉള്ള പാത്രത്തിൽ വെള്ളം അടുപ്പിൽ വെച്ച് ഉപ്പും നെയ്യും ചേർത്ത് തിളപ്പിക്കുക. തിളക്കുന്ന വെള്ളം ½ കപ്പ് മാറ്റിവെക്കുക. പത്തീരി പൊടി വെള്ളത്തിലേക്ക് ചേർത്ത്, തടി തവികൊണ്ട് ഇളക്കുക. തീ ഏറ്റവും നന്നയി കുറക്കണം. 5 മിനിറ്റ് ഇളക്കി പൊടിയും വെള്ളവും കുഴഞ്ഞ പരുവത്തിൽ തീ കെടുത്തുക. ചൂടായിരിക്കുന്ന മാവ്, പരന്ന അടുക്കൾ സ്ലാബിലോ പരന്ന പാത്രത്തിലോ നന്നായി ഇടിച്ചു വീണ്ടും കുഴക്കുക. ആവശ്യത്തിന് ഇടക്ക് മാറ്റിവെച്ചിരിക്കുന്ന ചൂടുവെള്ളം തളിച്ചു കൊടുക്കണം. ഏതാണ്ട് അരമണിക്കൂറോളം കുഴച്ച് ഉരുട്ടി എടുക്കുക. ചെറിയ ഉരുളകളായി ഉരുട്ടിയെടുത്ത്, ചപ്പാത്തിക്ക് പരത്തുന്നതുപോലെ പൊടി തൂകി കനംകുറച്ച് പരത്തിയെടുക്കുക. പരത്തിയ പത്തിരി അൽപം പൊടി രണ്ടു വശയും തുകി തട്ടിക്കുടഞ്ഞ് മറ്റൊരു പാത്രത്തിൽ നിരത്തിവെക്കുക. ഒട്ടിപ്പിടിക്കാതിരിക്കാനാണ്. പരത്തിയ പത്തിരി ചപ്പാത്തി പോലെതന്നെ ചുട്ടെടുക്കുക.

കുറിപ്പ്:- പത്തിരിപ്പൊടി കൊണ്ടുമാത്രമെ പത്തിരി ഉണ്ടാക്കിയാൽ സ്വാദും ഗുണവും, മയവും ഉണ്ടാകുകയുള്ളു. ചൂടുള്ളവെള്ളത്തിൽ തിളപ്പിച്ച്,കുഴച്ച്, ചൂടായിത്തന്നെ പരത്തി ഉണ്ടാക്കുകയും വേണം. സാധാരണയായി ചുട്ടെടുത്ത പത്തിരി വിളംബുബോൾ തേങ്ങാപ്പാലിൽ മുക്കിയാണ് വിളംബാറ്. ഇത്തരത്തിൽ പരത്തി ചുട്ടെടുക്കുന്ന പത്തിരി ഫ്രിഡ്ജിൽ സൂക്ഷിച്ചാൽ ആവശ്യാനുസരണം ചൂടാക്കി, ചിക്കൻ കറി മട്ടൺ കറി എന്നിവക്കൊപ്പം കഴിക്കാവുന്നതാണ്.

താറാവ് റോസ്റ്റ്

Posted on Format AsideCategories Food & HealthLeave a comment on താറാവ് റോസ്റ്റ്

http://www.marunadanmalayali.com/column/salt-and-pepper/salt-and-pepper-by-sapna-anu-b-george-60299

ആവശ്യമുള്ളവ

· താറാവ് – 1( തൊലി കളഞ്ഞത്)

· കുരുമുളക് – 2 ടേ.സ്പൂൺ

· പച്ചക്കുരുമുളക് -1 ടേ.സ്പൂൺ

· വെളുത്തുള്ളി – 2 കുടം ( 10 എണ്ണം)

· ഇഞ്ചി- 1 ഇഞ്ച് നീളം

· സൊയാസോസ്- 3 ടേ.സ്പൂൺ

· ഉപ്പ് – പാകത്തിന്( സൊയാസോസിനൊപ്പം ആവശ്യം വരില്ല)

· ഉരുളക്കിഴങ്ങ് – 5 ഇടത്തരം

· ബീൻസ്- 8 നീളത്തിൽ

· ക്യാരറ്റ്- 2


പാകം ചെയ്യുന്നവിധം

പച്ചക്കുരുമുളകിന്റെ ഒരു നാടൻ രുചി വളരെ വ്യത്യസ്ഥമാണ്, ഉണക്കക്കുരുമുളകിൽ നിന്നും, അതാണ് ഇവിടെ ഉപയോഗിക്കുന്നത്. ഇല്ലങ്കിൽ ഉണക്കക്കുരുമുളക് തന്നെ 11/2 സ്പൂൺ ഉപയോഗിക്കാം. കുരുമുളകും, വെളുത്തുള്ളിയും ഇഞ്ചിയും ഉപ്പും ഒരുമിച്ച് അരച്ച്, കഴുകി വരഞ്ഞ താറാവിൽ പുരട്ടിവെക്കുക. ഉരുളക്കിഴിങ്ങിന്റെ തൊലികളഞ്ഞ് താറാവിന്റെ കൂടെ പ്രഷർകുക്കറിൽ ഇട്ട്, ഏറ്റവും ചെറിയതീയിൽ 5 മിനിട്ട് തുറന്ന് വെക്കുക. വെള്ളം അല്പം ഇറങ്ങാൻ തുടങ്ങുംബോൾ ആവശ്യമെങ്കിൽ 1/2 കപ്പ് വെള്ളം ഒചിച്ച് 1, 2 വിസിൽ കേൾക്കുന്നതുവരെ വേവിക്കുക. ഒരു പരന്ന ഫ്രയിംഗ് പാത്രത്തിൽ അല്ലെങ്കിൽ ഇരുംബ് ചീനച്ചട്ടിയിൽ വെച്ച് അല്പം തിരിച്ചും മറിച്ചും ഇട്ട് താറാവും, ഉരുളക്കിഴങ്ങും മൊരിച്ചെടുക്കുക. താങ്ക്സ് ഗിവിംഗ് എന്നതിനുവേണ്ടി തയ്യാറാക്കുന്നതിനാൽ ഇതിനായി ഒരു സോസും , ഇതേഅരപ്പിൽ നിന്നുണ്ടാക്കാം.

സോസ്:- താറാവ് വെന്ത് കഴിഞ്ഞ് ചീനച്ചട്ടിയിൽ വറക്കാൻ വെക്കുക. പ്രഷർകുക്കറിൽ ബാക്കി വരുന്ന അരപ്പിന്റെ ചാറിലേക്ക് അല്പം വെള്ളവും, 1 ടേ.സ്പൂൺ കോൺഫ്ലവറും ചേർത്ത് ഒന്നു തിളപ്പിച്ച് കുറുക്കി എടുക്കുക.

അലങ്കരിക്കുന്ന വിധം:-പച്ചക്കറികറികൾ, ക്യാരറ്റ്, ബീൻസ്, ഉരുളക്കിഴങ്ങ് എന്നിവ വലീയ കഷണങ്ങളായി, പുഴുങ്ങി, അല്പം എണ്ണയിൽ മൊരിച്ച്, താറാവിന്റെ അരികിൽ നിരത്തി വിളംബുക. കഴിക്കാനായി എടുക്കുന്ന സമയം , കഷണങ്ങളായി മുറിച്ച് പാത്രത്തിലേക്ക് വിളംബുന്ന സമയം , സോസ്കൂടി മുകളിൽ ഒഴിച്ച് വിളംബാം.

ഒരു കുറിപ്പ്:- നവംബറിലെ നാലാമത്തെ ആഴ്‌ച്ച വിളവെടുപ്പിന്റെയും, ജീവിതത്തിന്റെ നന്ദിപ്രകടനത്തിന്റെയും ദിവസമായി കണക്കാക്കുന്നു. ഈ ആഴ്ചയെ ഒരു കൊയ്ത്തുല്‍സവം എന്നു ചിലദേശങ്ങളിൽ പറയാറുണ്ട്. ഈ ഉത്‌സവത്തിനായി കുടുബാംഗങ്ങളെല്ലാം അത്താഴത്തിനായി പ്രാർത്ഥനയോടെ ഒത്തുകൂടുന്നതാണ് താങ്ക്സ് ഗിവിംഗ് എന്നപേരിൽ അറിയപ്പെടുന്നത്. കേരളത്തിൽ ഇങ്ങനൊയൊരു നന്ദി പ്രകടനത്തിനായുള്ള ആഘോഷം ഇല്ലെങ്കിലും, ഈ ദിവസം ആണ് എല്ലാവീടുകളിലും ക്രിസ്തുമസ്സ് ട്രീ വെക്കുന്നതും, ലൈറ്റുകൾ കത്തിക്കാൻ തുടങ്ങുന്നതും! താങ്ക്സ് ഗിവിംഗിനായി സാധാരണ ടർക്കി ആണ് റോസ്റ്റ് ചെയ്യാറുള്ളത്, എങ്കിലും നമ്മുടെ കേരളക്കരയിൽ താറാവും , കോഴിയും റോസ്റ്റ് ചെയ്യപ്പെടുന്നു എന്നു മാത്രം.