Subscribe Now !

×

Subscribe to receive updates each week, plus get exclusive content, only available to those on my mailing list.

Nattupacha | Columns | മസ്കറ്റ് മണൽക്കാറ്റ്

Posted on Categories ColumnLeave a comment on Nattupacha | Columns | മസ്കറ്റ് മണൽക്കാറ്റ്

പ്രണയമോ സ്വാതന്ത്ര്യമോ- സപ്ന അനു ബി ജോർജ്ജ്- മണിലാൽ

പ്രണയത്തിലാവുമ്പോൾ പുരുഷനും സ്ത്രീയും വ്യത്യസ്തമായ ഏകാന്തതയിലേക്കാണ് എത്തിച്ചേരുന്നത്. പുരുഷന്റെ പ്രണയം നിസ്സഹായതയുടേ ശൂന്യതയിലേക്കും സ്ത്രീയുടേത് സ്വാതന്ത്ര്യത്തിന്റെ തുറസിലേക്കും. സജിത ക്രിയേഷന്‍സിന്റെ ബാനറില്‍ സഞ്ജു മാധവ് നിര്‍മ്മിച്ച് മണിലാല്‍ സംവിധാനം ചെയ്ത ‘പ്രണയത്തില്‍ ഒരുവള്‍ വാഴ്ത്തപ്പെടും വിധം ‘ എന്ന ഹ്രസ്വചിത്രം മുന്നോട്ട് വെയ്ക്കുന്ന പ്രമേയം ഇതാണ്. മനുഷ്യരെ ഏകാന്തരും അരക്ഷിതരും നിസഹായരുമാക്കുന്ന പുതിയ ലോകക്രമത്തില്‍ മനുഷ്യന്റെ ഏകാന്തതയെ ഈ സിനിമ അഭിസംബോധന ചെയ്യുന്നു.. പ്രണയത്തെ സമര്‍പ്പണവുമായി ബന്ധപ്പെടുത്തിയാണീ ഈ സിനിമയുടെ കഥ വികസിക്കുന്നത്..സദാചാരം ഉള്‍പ്പെടെയുള്ള എല്ലാ എതിർവരകളേയും മായ്ച്ചുകളയാൻ പ്രണയമൂർച്ഛകൾക്കാവുമെന്ന് ഈ സിനിമ സമർത്ഥിക്കുന്നു.പ്രണയങ്ങളിൽ സംഭവിച്ചേക്കാവുന്ന പ്രലോഭനങ്ങളും സാദ്ധ്യതകളുമാണ് ഇതില്‍ ചിത്രീകരിച്ചിരിക്കുന്നത്.

പ്രേമവിശയായ സ്തീ

പ്രണയത്തിൽ ഒരുവൾ വാഴ്ത്തപ്പെടും വിധം പ്രണയത്തെ സ്ത്രീയുടെ സ്വാതന്ത്ര്യവുമായി ബന്ധപ്പെടുത്തി അവതരിപ്പിക്കുകയാണ്.പ്രേമത്തിന്റെ ഏടുകള്‍ പ്രണയം മനസ്സില്‍ ഉടലെടുക്കുമ്പോള്‍ ഒരു സ്ത്രീയിൽ എന്തു സംഭവ്ക്കുന്നു? സ്ത്രീപുരുഷബന്ധത്തിന്റെ ജൈവകാമനകൾക്ക് ഈ സിനിമയിലൂടെ സംവിധായകന്‍ പുതിയ ഉത്തരങ്ങള്‍ തേടുന്നു. സ്ത്രീയും പുരുഷനും തമ്മീലെ പ്രണയത്തിന്റെ രാസപ്രക്രിയയിലൂടെ കാലങ്ങളായി ഒരേ ദിശയിൽ സിനിമ സഞ്ചരിച്ചു കൊണ്ടിരിക്കുന്നു. സാഹിത്യത്തിൽ സ്ത്രീയുടെ കാഴ്ചപ്പാടിലൂടെ നിരവധി രചനകൾ ഉണ്ടായിട്ടുണ്ട്.കുമാരാനാശാന്റെ “നളിനി“യും ബാലചന്ദ്രൻ ചുള്ളിക്കാടിന്റെ “സന്ദർശനവും“ ഈ ഗണത്തിൽ പെടുത്താവുന്നതാണ്. സിനിമയിൽ ഇത്തരം അന്വേഷണങ്ങൾ ശുഷ്കമാണ്. ഇതുവരെ ആരും തന്നെ അര്‍ത്ഥതലങ്ങള്‍ ഒരു സ്ത്രീയുടെ കാഴ്ചപ്പാടിലൂടെ കാണാന്‍ ശ്രമിച്ചിട്ടില്ല എന്നതാണ് സത്യം. എന്നാല്‍ മണിലാലിന്റെ ഈ ഹ്രസ്വചിത്രത്തിലൂടെ സ്വാതന്ത്യത്തിന്റേതായ അന്വേഷണങ്ങൾ സ്ത്രീയുടെ കാഴ്ചപ്പാടിൽ വരച്ചുകാട്ടാന്‍ ശ്രമിക്കുന്നു. ഹ്രസ്വചിത്രങ്ങളീലൂടെ പുതു പാതകളിൽ സഞ്ചരിക്കുന്ന മണിലാല്‍ ഇന്റെര്‍നെറ്റില്‍ നടക്കുന്ന ഈ പ്രണയ കഥയെ തന്റേതായ വഴിയിലൂടെ വഴ്ത്തപ്പെടുത്തുന്നു.

അമേച്വര്‍ നാടകരംഗത്ത് സജീവമായ (കാലടി സംസ്‌കൃത സര്‍വ്വകലാശാലയിലെ തിയ്യറ്റര്‍ വിദ്യാര്‍ത്ഥിനി )സുരഭിയും തിരുവനന്തപുരം ‘അഭിനയ’ നാടക സംഘത്തിലെ പ്രതീഷുമാണ് കഥാപാത്രങ്ങളായി എത്തുന്നത്.നവംബര്‍ 22നു തൃശുരില്‍ നിറഞ്ഞ സദസ്സിനു മുന്‍പില്‍ പ്രദര്‍ശിപ്പിച്ച ഈ ചിത്രം കേരളത്തിന്റെ വിവിധ ഭാഗങ്ങളിലും ബഹറൈൻ ഇന്റർ നാഷണൽ ഷോർട്ട് ഫിലിം ഫെസ്റ്റിവൽ ഉൾപ്പെടെ നിരവധി ഫെസ്റ്റിവലുകളിൽ തെരഞ്ഞെടുക്കപ്പെട്ടിട്ടുണ്ട്.

സ്ത്രീകളുടെ കാഴ്ചപ്പാടില്‍ ഇന്റെര്‍നെറ്റിലെ ഈ സ്ത്രീ പക്ഷ പ്രണയ കഥയുടെ പശ്ചാത്തലം എന്താണ്?.

സ്ത്രീയുടെ കാഴ്ചപ്പാടിലുള്ള ഒരു പ്രണയ കഥയല്ലിത്.ചെറിയ ലോകത്ത് നിന്നുള്ള ഒരു പെൺകുട്ടി/സത്രീ സ്വതന്ത്രയാവാൻ പ്രണയത്തെ നിമിത്തമാക്കുകയാണ്.യഥാർത്ഥ ലോകമല്ല(ഇന്റർനെറ്റ്)സിനിമയുടെ പ്രമേയ പരിസരം.

ഇന്റെര്‍നെറ്റ് ഗൌരവമുള്ള ഒന്നാണോ?

ഇന്റർനെറ്റ് വെറും കളിയല്ല.പുതിയ കാലത്തിന്റെ അനേകം തുറസ്സുകളിൽ ഒന്നുമാത്രമാണത്.എല്ലാം അതിലേക്കൊതുങ്ങുന്നതിലോ അതിൽ നിന്നും പൂർണ്ണമായി വിടുതൽ നേടുന്നതിലോ വലിയ കാര്യമില്ല.

സ്ത്രീകള്‍ക്ക് പ്രേമം പറഞ്ഞിട്ടുണ്ടോ? പ്രകടിപ്പിക്കാന്‍ സ്വാതന്ത്യം ഉണ്ടോ? അതു പുരുഷനു മാത്രമുള്ളതല്ലെ??

പ്രണയം എല്ലാവർക്കും പറഞ്ഞിട്ടുള്ളതാണ്.കണ്ടുമുട്ടലിൽ കൂടി തുടങ്ങി പ്രണയമായി ഒടുവിൽ അത് തന്നെ സംഭവിക്കുന്നു,വിവാഹം.അത് ഏറിയ പങ്കും പുരുഷനിൽ സമാപിക്കുന്ന കലാപരിപാടിയാണ്. വിവാഹമാവുന്നതോടെ പ്രണയത്തിൽ നിന്നും സ്ത്രീ പുറത്താവുന്നു.

ഈ കഥ സത്യം ആണോ അതോ കഥ മാത്രമാണോ?

കഥയൊന്നും സത്യമാവരുത് എന്നാണെന്റെ അഭിപ്രായം.സത്യത്തെ അതിൽ കണ്ടെത്താമെങ്കിലും,കഥ കഥയായി മാത്രം നിൽക്കേണ്ടതാണ്.

ഈ കഥ എഴുതാന്‍ എത്ര സമയം എടുത്തു? ഈ പ്രമേയം എങ്ങിനെയാണുണ്ടായത്?

അൽ ഫോൻസാമ്മ വാഴ്ത്തപ്പെട്ടപ്പോൾ തോന്നിയ പ്രമേയമാണിത്.അത് പ്രണയത്തിൽ അപ്ലൈ ചെയ്തു.ചെറിയ സമയം മാത്രമേ ഇതിനു വേണ്ടി വന്നിട്ടുള്ളു.

ഈ പ്രമേയം വ്യത്യസ്തമാകുന്നതെങ്ങിനെയാണ്?

ഇത് വ്യത്യസ്തമായ ഒരു പ്രമേയമാണ്.പൊതുവെ കാണാത്ത പ്രണയസാദ്ധ്യതകൾ ഈ പ്രമേയത്തിലുണ്ട്. സ്ത്രീയുടെ വികാസം.അതിനാണ് ഇതിൽ ഊന്നൽ.പുരുഷൻ ഒരു നിമിത്തം മാത്രം.

ഇതിന്റെ ബാക്കി റ്റെക്നിക്കല്‍ ആള്‍ക്കാരെ എങിന്റെ തിരഞ്ഞെടുത്തു?ഷൂട്ടിംഗ്? എഡിറ്റിംഗ്? പ്രദര്‍ശനം?

എന്റെ എല്ലാ സിനിമയും പോലെ ഒരു ഫ്രണ്ട്ഷിപ്പ് സെലിബ്രേഷൻ ആണീ സിനിമ.നിർമ്മാതാവ് യു എ ഇ നാടക പ്രവർത്തകനായ സഞ്ജുമാധവ്,ക്യാമറാ മാൻ ഷെഹ് നാദ് ജലാൽ,എഡിറ്റർ ബി.അജിത് കുമാർ,കലാ സംവിധായകൻ സന്ദീപ്,കോസ്റ്റൂംസ് ഡിസൈനർ ശോഭാ ജോഷി,സംഗീത സംവിധായകൻ ചന്ദ്രൻ വേയാട്ടുമ്മൽ,ഇംഗ്ല്ലീഷ് സബ് ടൈറ്റിൽ എഴുതിയ സി.എസ്.വെങ്കിടേശ്വരൻ,നിർമ്മാണത്തിനു ചുക്കാൻ പിടിച്ച യു എ ഇ യിലെ നാടക പ്രവർത്തകയായ ജോളി ചിറയത്ത്,അജിത് പ്രിന്റെക്സ്,പി.ജി.പ്രേമൻ,ഇമ ബാബു,അഭിനേതാക്കളായ സുരഭിയും പ്രതീഷുമൊക്കെ എന്റെ സൌഹൃദ സംഘത്തിൽ പെടുന്നവരും സുഹൃത്തുക്കളുമാണ്.

മണിലാല്‍ എന്ന വ്യക്തിയുടെ കാഴ്ചപ്പാടില്‍ പ്രേമം എന്നാല്‍ എന്താണ്‍?

ലോകത്തെ സമഗ്രമായി കാണുന്നതാണ് എനിക്ക് പ്രണയം.അതിൽ മനുഷ്യരും പ്രകൃതിയും എല്ലാ ജീവജാലങ്ങളും ഉണ്ട്.സ്വന്തമാക്കൽ എന്നുള്ള പ്രക്രിയക്കെതിരെയുള്ള സമരം കൂടിയാണ് എനിക്ക് പ്രണയം. സ്വതന്ത്രരായിരിക്കുക എന്നുള്ളതാണത് പ്രേമത്തിന്റെ കാതല്‍.സ്വാതന്ത്ര്യത്തെ പ്രണയത്തിന് മുകളിൽ നിർത്തുക.അപ്പോൾ നല്ലൊരു കാമുകി/കാമുകഭാവമായി നിങ്ങൾ ഉയരും.

Gulf Manorama | Columns | ഗ്രാമമല്ലാത്ത എന്റെ ഗ്രാമം

Posted on Categories ColumnLeave a comment on Gulf Manorama | Columns | ഗ്രാമമല്ലാത്ത എന്റെ ഗ്രാമം

അര്‍ദ്ധോക്തിയില്‍ നിര്‍ത്തിപ്പോയ ഗ്രാമവര്‍ണന…സ്വപ്നഭൂമിയെക്കുറിച്ചു തുടര്‍ന്നെഴുന്നു..ഒരുമാതിരി എല്ലാ ഗ്രാമങ്ങളും ഇതുപോലെയൊക്കെയല്ലേ? ഗ്രാമങ്ങളുടെ മുഖഛായ മാറി മറിയുകയാ‍ണ്!നാട്ടിലേക്കുള്ള ഓരോ യാത്രയിലും അത് വേദനയോടെ മനസ്സിലാവുന്നു! വികസനമല്ല – വികസനമെന്നും പറഞ്ഞ് കാണിച്ചുകൂട്ടുന്ന കോപ്രായങ്ങള്‍, എങ്കിലും എന്റേതെന്നു വിശേഷിപ്പിക്കവുന്ന, ഞാന്‍ മാത്രം, മനസ്സിലാക്കിയ എന്റെ, ഗ്രമമല്ലാത്ത, കൊച്ചു വലിയ ഗ്രാമം.

എന്താണു കോളം?

Posted on Categories ColumnLeave a comment on എന്താണു കോളം?

മനോരമയില്‍ കോളം? മാതൃഭൂമിയില്‍ കോളം? മീരയുടെ കോളം, ഹരികുമാറിന്‍റെ കോളം? മലയാളത്തില്‍ കോളം എഴുത്തുകാരുടെ നിര കൂറ്റിക്കൂടി വരുന്നു. എന്നാല്‍ ഇന്നും ഇതെന്താണെന്നു മനസ്സിലാക്കാത്ത ഒരു പറ്റം ആള്‍ക്കാര്‍ അല്ലെങ്കില്‍ , കര്‍ക്കശന്മാരായ എഡിറ്റര്‍മാര്‍ ഇന്നും ഉണ്ടോ…… ഉണ്ടാകാന്‍ വഴിയില്ല.

ഇന്ന് കോളം എന്നാല്‍ എന്താണെന്നറിയാത്തവര്‍ ഇല്ലാ എന്നു തന്നെ പറയാം.അല്ലെങ്കില്‍ ,മാതൃഭൂമിയോ, ഇന്ഡ്യാ റ്റുഡേ,അല്ലങ്കില്‍ ,വീക്കിലികളും പത്രങ്ങളും മാറി മാറി വായിക്കാന്‍,ഇഷ്ടപ്പെടുന്ന എത്രയോ പേരിന്നുണ്ട്. ഒരു വെസ്റ്റേണ്‍ കള്‍ച്ചറിന്‍റെ വഴിപിടിച്ചുള്ള പോക്കാണെങ്കിലും,ഒരു കപ്പു കാപ്പിയും ആയി ഒന്നു രണ്ടും നല്ല മാഗസില്‍ അല്ലെങ്കില്‍ വീക്കിലികളുമായി ,ഇടക്ക് റോഡിലേക്ക് കണ്ണോടിച്ചു കൊണ്ടുള്ള ഒരു വായനക്ക് അതിന്‍റെതായ ചില നല്ല വശങ്ങള്‍ കൂടിയുണ്ട്. സ്വന്തമായ ചിന്തകള്‍ക്ക് ചിറകുവെക്കാം,പിന്നെ ഇന്നത്തെ വഴിപോക്കരുടെ നടപ്പും എടുപ്പും, ചില ചിന്താ ശകലങ്ങൾ, വിഷയങ്ങള്‍ മനസ്സില്‍ എത്തിച്ചേരാം.മനസ്സ് എല്ലാം സൻകടങ്ങളും അവസാനിപ്പിച്ച ഒരു കുടഞ്ഞ് ഉണര്‍ന്നെഴുനേല്‍ക്കാം.

ഞാൻ സാഹിത്യമാണെന്ന മുൻവിധിയിൽ എഴുതാറില്ല,പ്രത്യേകിച്ചും കോളം.കോളം എഴുത്തുകാർക്കുള്ളതല്ല,വായനക്കാർക്കുള്ളതാണ് എന്ന് ഏതോ ബുദ്ധിജീവി പറഞ്ഞിട്ടുണ്ട് പോലും!!1‌. ബുദ്ധിജീവികൾക്ക്‌ കോളം ആവശ്യമില്ലല്ലോ?സാഹിത്യവുമായി അടുത്ത ബന്ധമില്ലാത്തവർക്കും വായിക്കാനും രസിക്കാനും കഴിയണം.എന്റെ കോളം ആ ലക്ഷ്യം നിറവേറ്റുന്നുണ്ടെന്നാണ്‌ ഞാൻ വിശ്വസിക്കുന്നത്‌.
വലിയ ജാഡയൊന്നും എന്നിൽ നിന്ന്‌ പ്രതീക്ഷിക്കേണ്ട. സാഹിത്യവിഷയങ്ങൾപോലും ‘സാഹിത്യപര’മായല്ല എഴുതുന്നത്‌. സാഹിത്യം അതിന്റെ കൂടെയുള്ള ടോൺ ആവുകയേ ചെയ്യാവൂ. എന്തിലും സാഹിത്യപരമെന്ന്‌ വിശേഷിപ്പിക്കാവുന്ന ചിന്തകളെ പിൻതുടരാൻ പറ്റും. ഞാൻ എല്ലാ വിഷയങ്ങളോടും പ്രതികരിക്കാനാണ്‌ ശ്രമിക്കുന്നത്‌.”

അങ്ങനെ പലവശവും ആലോച്ചിച്ചു മനസ്സിലാക്കി ഞാനും ഒരു കോളം എന്ന ആശയത്തിലെത്തിച്ചേർന്നു. ഗൾഫ് മനോരമയയിൽ പ്രതീക്ഷക്കതീതമായി വേഗം തന്നെ,തുടങ്ങാൻ സാധിച്ചു.10 വർഷം മുൻപുള്ള ഗൾഫ് എഴുത്തുകാരി എന്നപരിചയമോ,സന്തോഷ് ജോർജ്ജിന്റെ റെക്കമെന്റേഷനോ,“അക്കരെ ഇക്കരെ“ഗൾഫ് മനോരമയിൽ 2010 ല് തുടങ്ങി.വീണ്ടും ആലോചിച്ചെത്തിയത്, എന്റെ ബൂലോകം ഏന്നപേജിൽ “കുറച്ചു സമയം ഒത്തിരി കാര്യം” ഷാജി മുള്ളുക്കാരന്റെ സഹായത്തോടെ തുടങ്ങി. പാവം എന്നെ ഒരു കൂന്നോളം, വലിയ പാരവാരത്തിനോളം സഹായിച്ചിട്ടുണ്ട്, അക്ഷരത്തെറ്റു തിരുത്താനും, വാചകങ്ങളുടെ ഘടന എന്നു വേണ്ട, ഒരായിരം നന്ദി ഷാജി.പിന്നെ മൈനയുടെ റെക്കമെന്റേഷനിൽ നാട്ടുപച്ചയിലും ഉണ്ട് ഒരു “മസ്കറ്റ് മണൽക്കാറ്റ്”. ജസ്റ്റിൻ ഒരു കോളം “കണ്ണകി” എന്ന് സൈകതത്തിലും തുടങ്ങാൻ അനുവദിച്ചു.“അദ്യ ലക്കത്തില്‍ ചെറുത് മതിയാകും, എന്ന് ഒരു ഉപദേശവും അന്നു തന്നു. കൂടെ‘പുനപ്രസിദ്ധീകരണത്തിനും കുഴപ്പമില്ലല്ലോ?? എന്ന എന്റെ ചോദ്യത്തിനു,“എല്ലാം, അല്ല,ചിലതെല്ലാം.പുനപ്രസിദ്ധീകരണം ആകാം. പക്ഷെ ഒരു പൊളിച്ചെഴുത്ത് നടത്തുക.വിഷയം ആണ് നോക്കേണ്ടത്, പൂനപ്രസ്ധീകരണം എന്നതിനെക്കാള്‍ ,വിഷയം പഴയതാകാം.അവതരണം പുതിയതായാല്‍ മതി‘ എന്നും തന്നിരുന്നു ഉപദേശം.
എന്‍റെ എഴുത്തിന്,എന്‍റേതായ ഒരു ശൈലിയുണ്ട് എന്ന് സ്വയം എന്നും വിശ്വസിച്ചിരുന്ന ഞാൻ പലരുടെയും അഭിപ്രായങ്ങളും മറ്റും മനസ്സിൽ കരുതിയിരുന്നു.പിന്നെ വിഷയം,കോളം എന്നത് ‘ഏതു വിഷയത്തിനും എന്‍റെ കാഴ്ചപ്പാട്‘അതാണ് സ്വായിയായ തത്വം. എഴുത്തുകാരിക്ക് സ്വാതന്ത്ര്യം ഉണ്ട്.നമ്മുടെ നാട്ടില്‍ ,പത്രത്തില്‍ ,ആജ്ചപതിപ്പുകളില്‍ ,കോളം എന്ന വാക്കിന്‍റെ അര്‍ത്ഥം മനസ്സിലാക്കാതെയുള്ള പ്രതികരണവും ആണ് ,ചിലപ്പോള്‍ അതു വളരെ സങ്കടം ഉണ്ടാക്കും. ആഴ്ചപ്പതിപ്പുകള്‍ അവരവരുടെ ഇഷ്ട്ടങ്ങള്‍ക്കല്ലെ പ്രാധാന്യം കൊടുക്കുക,ഇപ്പൊ ധാരാളം കോളം എന്ന പേരില്‍ ഉണ്ട്.ശോഭാ ഡേ, കുഷ്വന്ത് സിംഗ് ഇവരെയൊക്കെ കോളം എഴുത്തുകാരാണ്.ഒരു വിഷയം പലര്‍ കൈകാര്യം ചെയ്യുമ്പോള്‍
എല്ലാവരും താന്താങ്ങളുടെ ചിന്താഗതിയാകും ഊന്നിപ്പറയുക.അത് കൊണ്ട് കോളം ഒരിക്കലും ഒരു പുനര്‍വായനയായി കാണാന്‍ പറ്റില്ല.നമ്മുടെ മലയാളികള്‍ക്കു മനസ്സിലാകാത്ത ഒരു ‘concept‘ ആണ് കോളം.സാഹിത്യം അറിയാവുന്നവര്‍ അങ്ങനെ പറയില്ല എന്നു കരുതുന്നു.എന്റെ എഴുത്തിനു ഞാൻ ഒരു സാഹിത്യവും,വാചാലതയും,ഈണവും ജാഡയും വരുത്താറില്ല, സാധാരണക്കാരന്റെ ഭാഷ അത്രമാത്രമെ വരാവൂ എന്ന ചിന്തയുണ്ട്.പിന്നെ ചിലയിടത്തെല്ലാം എന്റെ ഫീച്ചറുകളുടെ പുനപ്രസിദ്ധീകരങ്ങളും ഇല്ലാതില്ല.എന്നാൽ വായന ഇഷ്ടപ്പെടുന്നവർ വായിക്കുന്നു എന്ന ഞാനും കരുതുന്നു.ഒരു പേജിൽ എത്ര പേർ വായിക്കാനെത്തി എന്നതിനെക്കാൾ ,എന്റെ കോളം വായിക്കാനായി എത്തുന്നവരും ഉണ്ട് എന്ന് ഞാൻ വിശ്വസിക്കുന്നു. ഇതിന്റെ പേരിൽ എന്റെ ഫെയ്സ്ബുക്കിൽ ബലമായി ഞാൻ വായിപ്പിക്കുന്നവരും ഉണ്ട്. വളരെ ഇഷ്ടപ്പെട്ടു ഞാൻ ചെയ്യുന്ന ഒരു കാര്യം ആണ് ഈ കോളം എഴുത്ത്, സമയാസമയത്തു കൊടുക്കാൻ സാധിക്കാറില്ല എന്ന ഒരു സംന്കടം മാത്രം.വിഷയങ്ങളും ഞാൻ വിചാരിക്കുന്ന പ്രതികരണം അല്ലാതെ, ഒരു പ്രകോപനത്തിൽ അവസാനിക്കുമോ എന്നു പേടിച്ച്, മാറ്റി എഴുതാറും ഉണ്ട്.